ពោធិ៍សាត់៖ តំណាងលោក ពៅ ពិសិដ្ឋ ប្រធានក្រុមការងារគណបក្សចុះមូលដ្ឋានសង្កាត់ផ្ទះព្រៃ ដឹកនាំដោយលោក ភួង សារិទ្ធ ប្រធានគណបក្សសង្កាត់ និងលោក ប៉ិច ស៊ីផាន់ ចៅសង្កាត់ផ្ទះព្រៃ និងជាអនុប្រធានគណបក្សសង្កាត់ រួមជាមួយសមាជិក សមាជិកាគណបក្សសង្កាត់ និងភូមិ បានអញ្ជើញចុះសួរសុខទុក្ខ និងនាំយកអំណោយថវិកាទៅឧបត្ថម្ភជូនសមាជិកបក្សដែលកំពុងមានជំងឺ នាថ្ងៃទី២៥ ខែតុលា ឆ្នាំ២០២៦។ ក្នុងបេសកកម្មនេះ ក្រុមការងារបានធ្វើដំណើរទៅសួរសុខទុក្ខលោកស្រី សួង ស៊ីដេត សមាជិកាបក្ស និងត្រូវជាភរិយារបស់លោក ស៊ុន ស៊ីផល ប្រធានសាខាបក្សភូមិក្បាលហុង ដែលកំពុងសម្រាកព្យាបាលជំងឺនៅខេត្តកំពង់ស្ពឺ។ បន្ទាប់មក ក្រុមការងារបានបន្តដំណើរទៅសួរសុខទុក្ខលោក នេត បាន សមាជិកភូមិគក ដែលកំពុងសម្រាកព្យាបាលជំងឺនៅមន្ទីរពេទ្យព្រះកុសុមៈ រាជធានីភ្នំពេញ។ នៅក្នុងឱកាសនោះដែរ ក្រុមការងារក៏បាននាំយកថវិកាឧបត្ថម្ភរបស់ក្រុមការងារគណបក្សចុះមូលដ្ឋានសង្កាត់ផ្ទះព្រៃ ប្រគល់ជូនសមាជិកទាំងពីររូប ដើម្បីរួមចំណែកសម្រាលបន្ទុកចំណាយក្នុងការសម្រាកព្យាបាលជំងឺ ព្រមទាំងបានពាំនាំនូវការផ្តាំផ្ញើសួរសុខទុក្ខ និងជូនពរឲ្យឆាប់ជាសះស្បើយពីជំងឺ ដើម្បីត្រឡប់មកជួបជុំគ្រួសារវិញក្នុងពេលឆាប់ៗខាងមុខនេះ៕ សាយយ័ន្ដ វុន្នីយ៉ា

លោក ធីម សុធារ៉ា ប្រធានមន្ទីរអភិវឌ្ឍន៍ជនបទខេត្តពោធិ៍សាត់ និងសហការី បានផ្តល់កិច្ចសម្ភាសន៍ដល់អ្នកសារព័ត៌មាន ២២ស្ថាប័ន ជុំវិញសក្តានុពលទេសចរណ៍ និងការអភិវឌ្ឍក្នុងខេត្ត។ ក្នុងនោះ លោកប្រធានបានលើកឡើងពី ស្ពានបេតុងថ្មីប្រវែង ១៤៤ម៉ែត្រ ទទឹង ១០ម៉ែត្រ នៅស្រុកភ្នំក្រវាញ ដែលជាអំណោយរបស់ សម្តេចបវរធិបតី ហ៊ុន ម៉ាណែត ជំនួសស្ពានដែកចាស់។ ស្ពាននេះគឺជាសរសៃឈាមសេដ្ឋកិច្ចដ៏សំខាន់ ជួយសម្រួលការធ្វើដំណើរ ដឹកជញ្ជូន និងតភ្ជាប់ទេសចរណ៍ទៅកាន់តំបន់ភ្នំ១៥០០ ព្រមទាំងខេត្តជាប់ពាក់ព័ន្ធយ៉ាងងាយស្រួល។

លោកអភិបាលស្រុកក្រគរ ខេត្ត​ពោធិ៍សាត់ ព្រមទាំងក្រុមការងារ បានចុះពិនិត្យអនាម័យបរិស្ថាន និងបង្ហាត់បង្រៀនបច្ចេកទេសតាក់តែងដើមត្របែកព្រៃតាមទ្រូងផ្លូវជាតិលេខ៥ ដល់អាជ្ញាធរឃុំអន្សាចំបក់ ស្រុកក្រគរ ខេត្ត​ពោធិ៍សាត់ សំដៅលើកកម្ពស់សោភ័ណភាព និងសណ្តាប់ធ្នាប់ក្នុងមូលដ្ឋានឱ្យកាន់តែស្រស់ស្អាត។

ពោធិ៍សាត់៖ លោក អ៊ន សុផល្លា អភិបាលនៃគណៈអភិបាលស្រុកក្រគរ ខេត្តពោធិ៍សាត់ បានអញ្ជើញចុះផ្ទាល់ដើម្បីពិនិត្យមើលការងារហ្វឹកហាត់របស់ក្រុមកីឡាករទូក (ង) ស្រុកក្រគរ ក្នុងគោលបំណងជំរុញ លើកទឹកចិត្ត និងផ្ដល់បទពិសោធន៍ល្អៗដល់កីឡាករទាំងអស់ នាព្រឹកថ្ងៃទី២៥ ខែតុលា ឆ្នាំ២០២៦។ ក្នុងឱកាសនោះ លោកអភិបាលស្រុកក្រគរ ខេត្តពោធិ៍សាត់ បានផ្ដាំផ្ញើដល់ក្រុមកីឡាករឱ្យខិតខំប្រឹងប្រែងហ្វឹកហាត់ត់ថែរក្សាសុខភាព សាមគ្គីភាពផ្ទៃក្នុងល្អ និងគោរពវិន័យ ដើម្បីត្រៀមខ្លួនចូលរួមប្រកួតប្រជែងថ្នាក់ខេត្ត នាំយកជ័យជម្នះ និងកិត្តិយសជូនដល់ស្រុកក្រគរខេត្តពោធិ៍សាត់ របស់យើង៕ ឈឹម ម៉ារីយ៉ាន

លោក ឆាយ គឹមម៉ុង អភិបាលស្រុកបាកាន បានទទួលស្វាគមន៍ និងផ្តល់កិច្ចសម្ភាសន៍យ៉ាងកក់ក្តៅ ដល់អ្នកសារព័ត៌មានមកពី ២២ អង្គភាព ដើម្បីរំលេចពីសក្តានុពលដ៏សម្បូរបែប ព្រមទាំងការអភិវឌ្ឍរីកចម្រើនក្នុងមូលដ្ឋានស្រុកបាកាន ខេត្តពោធិ៍សាត់ ជូនដល់សាធារណជនបានជ្រាបកាន់តែច្បាស់។

ឯកឧត្តម យឹម វិសិដ្ឋ ប្រធានក្រុមការងារគណបក្សចុះមូលដ្ឋានស្រុកភ្នំក្រវាញ ខេត្តពោធិ៍សាត់ ព្រមទាំងថ្នាក់ដឹកនាំ និងក្រុមការងារគ្រប់លំដាប់ថ្នាក់ បានចុះពិនិត្យស្ថានភាពផ្លូវ ស្ពាន និងលូ ដែលរងការខូចខាតដោយសារគ្រោះទឹកជំនន់។