ក្រោមការដឹកនាំរបស់ លោក រ៉ាន់ សីហគិរី ប្រធានក្រុមការងារចុះជួយឃុំស្នាអន្សា លោក ក្រូច សុខុន អភិបាលរងស្រុក និងជាតំណាងលោកអភិបាលស្រុកក្រគរ បាននាំយកអំណោយចុះចែកជូនគ្រួសាររងផលប៉ះពាល់ពីទឹកជំនន់ក្នុងឃុំស្នាអន្សា ចំនួន ២៥០គ្រួសារ ដើម្បីជួយសម្រាលការលំបាកក្នុងគ្រាអាសន្ននេះ។

ព្រះគ្រូ ញ៉ឹក សែមរតនា ព្រះចៅអធិការវត្តកែវសុវណ្ណ បានរៀបចំទេយ្យទានដែលទទួលបានពីពិធីបុណ្យភ្ជុំបិណ្ឌ ដើម្បីនាំយកទៅប្រគល់ជូនវីរកងទ័ពជួរមុខ ដែលកំពុងឈរជើងបំពេញភារកិច្ចនៅតំបន់ថ្មដាស្រុកវាលវែងខេត្តពោធិ៍សាត់ដោយមានការនិមន្តនិងអញ្ជើញចូលរួមពីព្រះសង្ឃវត្តកែវ សុវណ្ណ និង ពុទ្ធបរិស័ទ ចំណុះជើងវត្តយ៉ាងច្រើនកុះករ។

លោក ផាយ ឡេង អភិបាលក្រុងពោធិ៍សាត់ តំណាងដ៏ខ្ពង់ខ្ពស់ ឯកឧត្តម ខូយ រីដា អភិបាលខេត្តពោធិ៍សាត់ បាននាំយកអំណោយស្បៀងអាហារ អង្ករ ២០គីឡូក្រាម និងមី ១២កញ្ចប់ ក្នុងមួយគ្រួសារ ទៅចែកជូនប្រជាពលរដ្ឋរងផលប៉ះពាល់ខ្លាំងដោយជំនន់ទឹកភ្លៀងចំនួន ១៦គ្រួសារ នៅភូមិស្រះស្រង់ សង្កាត់ព្រៃញី ដើម្បីជួយសម្រាលបន្ទុកជីវភាព និងលើកទឹកចិត្តក្នុងការជម្នះការលំបាក។

ពោធិ៍សាត់៖ ស្ពានតេជោសន្តិភាពឬស្សីជ្រុំ ដែលត្រូវបានគេស្គាល់ទូទៅថា ស្ពានខ្ពស់ គឺជាគោលដៅទេសចរណ៍ធម្មជាតិដ៏មានប្រជាប្រិយភាពមួយ មានទីតាំងស្ថិតនៅក្នុងឃុំអូរសោម ស្រុកវាលវែង ខេត្តពោធិ៍សាត់។ ទីកន្លែងនេះកំពុងទទួលបានការយកចិត្តទុកដាក់ខ្ពស់ពីសំណាក់លោក ធាង ឡេង អភិបាលនៃគណៈអភិបាលស្រុកវាលវែង ក្នុងការលើកកម្ពស់សោភណ្ឌភាព និងអនាម័យ ដើម្បីផ្តល់ភាពស្រស់បំព្រង និងផាសុខភាពជូនដល់ភ្ញៀវទេសចរជាតិ និងអន្តរជាតិដែលអញ្ជើញមកទស្សនា។ ក្រុមការងារមូលដ្ឋានដឹកនាំដោយលោក ឆេន កែន មេឃុំអូរសោម រួមជាមួយក្រុមប្រឹក្សាឃុំ ប្រធានមណ្ឌលសុខភាព មេភូមិ និងកម្លាំងប្រជាការពារភូមិ បានចុះផ្ទាល់ដើម្បីរៀបចំសោភណ្ឌភាពនៅតំបន់ស្ពានខ្ពស់ នាថ្ងៃទី១៣ ១៤ ខែតុលា ឆ្នាំ២០២៦។ សកម្មភាពនេះមិនត្រឹមតែជួយកែលម្អបរិស្ថាន និងសោភណ្ឌភាពបៃតងនៅតាមដងផ្លូវ និងកន្លែងថតរូបប៉ុណ្ណោះទេ ប៉ុន្តែថែមទាំងបង្ហាញពីស្មារតីសហការ និងការយកចិត្តទុកដាក់ខ្ពស់របស់អាជ្ញាធរមូលដ្ឋាន ក្នុងការថែរក្សាអនាម័យបរិស្ថាន ដើម្បីត្រៀមស្វាគមន៍ភ្ញៀវទេសចរដែលស្រឡាញ់ធម្មជាតិមកលេងកម្សាន្តក្នុងតំបន់អូរសោមដ៏ស្រស់ត្រកាលនេះផងដែរ៕ សាយយ័ន្ដ វុន្នីយ៉ា

លោក ផាយ ឡេង អភិបាលក្រុងពោធិ៍សាត់ បានអញ្ជើញបើកវគ្គបណ្តុះបណ្តាលស្តីពី «មូលដ្ឋានគ្រឹះនៃការគ្រប់គ្រងអាជីវកម្ម» ជូនដល់អ្នកសេដ្ឋកិច្ចក្រៅប្រព័ន្ធ នៅសាលប្រជុំសាលាក្រុងពោធិ៍សាត់។ វគ្គបណ្តុះបណ្តាលមានរយៈពេល ២ថ្ងៃ ចាប់ពីរថ្ងៃទី១៤-១៥ ខែតុលា ឆ្នាំ២០២៦ ដោយផ្តោតលើការរៀបចំផែនការអាជីវកម្ម ហិរញ្ញវត្ថុ ទីផ្សារ និងប្រតិបត្តិការ ដើម្បីពង្រឹងសមត្ថភាព និងបង្កើនចំណូលដល់អ្នកប្រកបមុខរបរមូលដ្ឋាន។

អភិបាលស្រុកវាលវែង បានដឹកនាំកិច្ចប្រជុំប្រចាំខែតុលា លើវិស័យអប់រំ ដោយមានការចូលរួមពីអភិបាលរងស្រុក ការិយាល័យអប់រំ និងនាយក-នាយករងសាលា ដើម្បីពិនិត្យវឌ្ឍនភាពការងារ និងពង្រឹងគុណភាពអប់រំក្នុងមូលដ្ឋាន។