លោក តាំង សុផាត ដឹកនាំកិច្ចប្រជុំត្រួតពិនិត្យ និងវាយតម្លៃគម្រោងប្រព័ន្ធធារាសាស្ត្រអាទិភាពក្នុងខេត្តពោធិ៍សាត់
ពោធិ៍សាត់៖ លោក តាំង សុផាត អគ្គនាយករង នៃអគ្គនាយកដ្ឋានកិច្ចការបច្ចេកទេស ក្រសួងធនធានទឹក និងឧតុនិយម ព្រមទាំងសហការី បានដឹកនាំកិច្ចប្រជុំត្រួតពិនិត្យ «គម្រោងអភិវឌ្ឍន៍ប្រព័ន្ធធារាសាស្ត្រដែលមានភាពធន់នឹងអាកាសធាតុ និងការកាត់បន្ថយគ្រោះរាំងស្ងួត» ក្នុងក្របខ័ណ្ឌទូទាំងប្រទេស នៅសាលប្រជុំមន្ទីរធនធានទឹក និងឧតុនិយមខេត្តពោធិ៍សាត់ នៅថ្ងៃព្រហស្បតិ៍ ទី១៣ ខែសីហា ឆ្នាំ២០២៦។ កិច្ចប្រជុំនេះក៏មានការចូលរួមពី លោក គិត ផល អនុប្រធានមន្ទីរក្តាប់រួម នៃមន្ទីរធនធានទឹក និងឧតុនិយមខេត្តពោធិ៍សាត់ ព្រមទាំងមន្ត្រីជំនាញពាក់ព័ន្ធជាច្រើនរូប។ ជាលទ្ធផល កិច្ចប្រជុំបានផ្តោតការពិភាក្សាលើរបៀបវារៈសំខាន់ៗចំនួន ៤ រួមមាន៖ វាយតម្លៃលើលទ្ធភាពបច្ចេកទេស និងស្ថានភាពជាក់ស្តែងនៃការអនុវត្តគម្រោង, ពិភាក្សាលើគម្រោងដែលមានការប្រឈមខ្លាំង ដើម្បីដាក់បញ្ចូលជាគម្រោងអាទិភាពចម្បងក្នុងផែនការអភិវឌ្ឍន៍ប្រព័ន្ធធារាសាស្ត្រ, បង្ហាញពីសក្តានុពល និងផលប្រយោជន៍វែងឆ្ងាយនៃគម្រោងទៅអនាគត និងគ្រោងបន្តសកម្មភាពចុះពិនិត្យវាយតម្លៃដល់ទីតាំងគម្រោងផ្ទាល់៕
