ពោធិ៍សាត់៖ ​រដ្ឋបាលស្រុក​វាលវែង លោក ធាង ឡេង អភិបាលនៃគណៈអភិបាលស្រុកវាលវែង បានអញ្ជើញជួបសំណេះសំណាល​ទទួល​ស្វាគមន៍ និងសម្របសម្រួល ដល់ក្រុមអ្នកសារព័ត៌មានមកពី២២ស្ថាប័ន ដែលដឹកនាំដោយ លោក ពុយ គា ប្រធានក្លិបអ្នកកាសែតកម្ពុជា ចុះបំពេញបេសកកម្មសារព័ត៌មាននៅ ក្នុងមូលដ្ឋានស្រុកវាលវែង ខេត្តពោធិ៍សាត់ ចាប់ពីថ្ងៃទី២៣ ដល់ថ្ងៃទី២៥ ខែតុលា ឆ្នាំ២០២៦ ក្រោមប្រធានបទ បេសកកម្មសារព័ត៌មាន ដើម្បីផ្សព្វផ្សាយទ្រង់ទ្រាយធំពីសក្តានុពល ទេសចរណ៍ធម្មជាតិ និងការអភិវឌ្ឍក្នុង មូលដ្ឋានស្រុកវាលវែង ខេត្តពោធិ៍សាត់ កាលពីរសៀល ថ្ងៃទី២៣ ខែតុលា ឆ្នាំ២០២៦ ។ ​ព្រមទាំង​មាន​ការ​អញ្ជើញ​​ចូលរួម​ពី លោក​ ពៅ​ ពិសិដ្ឋ​ អភិបាល​រង​នៃគណៈ​អភិបាល​ខេត្ត​ពោធិ៍សាត់​ និង​ប្រតិភូ​អមដំណើរ​ បេសកកម្មនេះ ផ្តោតលើការផ្សព្វផ្សាយពីសក្តានុពលទេសចរណ៍ធម្មជាតិ និងសមិទ្ធផលនានានៃការអភិវឌ្ឍក្នុងខេត្តពោធិ៍សាត់ តាមរយៈការចូលរួមរបស់អ្នកសារព័ត៌មានពីស្ថាប័នចំនួន២២ ដើម្បីឱ្យសាធារណជនកាន់តែស្គាល់ពីភាពទាក់ទាញ និងឱកាសអភិវឌ្ឍនានាក្នុងស្រុក៕

នៅសាលប្រជុំរដ្ឋបាលស្រុកក្រគរ លោក អ៊ន សុផល្លា អភិបាលនៃគណៈអភិបាលស្រុកក្រគរ បានអញ្ជើញដឹកនាំកិច្ចប្រជុំជាមួយក្រុមការងារគណៈកម្មការ និងអនុគណៈកម្មការ ដើម្បីពិភាក្សា និងត្រៀមលក្ខណៈសម្បត្តិឱ្យបានល្អប្រសើរ ក្នុងការចូលរួមព្រឹត្តិការណ៍ប្រណាំងទូក (ង) ខ្នាតអន្តរជាតិ ដែលនឹងប្រព្រឹត្តិទៅនៅស្ទឹងពោធិ៍សាត់ ខេត្តពោធិ៍សាត់ នាពេលខាងមុខនេះ។

កិច្ចប្រជុំអាណត្តិព្រះមន្ត្រីសង្ឃទាំងពីរគណៈមកពី ៤៣ វត្តទូទាំងស្រុក និងពិធីប្រគល់ស្បៀង សម្ភារ និងបច្ច័យជូនអនុសាខាកាកបាទក្រហមកម្ពុជាស្រុកក្រគរ សម្រាប់ចាត់ចែងប្រើប្រាស់ក្នុងកិច្ចការមនុស្សធម៌នៅក្នុងមូលដ្ឋាន បានប្រារព្ធធ្វើឡើងនាថ្ងៃទី២១ ខែតុលា ឆ្នាំ២០២៦ នៅវត្តសុវណ្ណស្លាកែត (ហៅវត្តចាស់) ស្ថិតក្នុងឃុំបឹងកន្ទួត ស្រុកក្រគរ ខេត្តពោធិ៍សាត់។

លោក ពៅ ពិសិដ្ឋ អភិបាលរងខេត្តពោធិ៍សាត់ តំណាងដ៏ខ្ពង់ខ្ពស់ ឯកឧត្តម ខូយ រីដា អភិបាលខេត្តពោធិ៍សាត់ បានអញ្ជើញដឹកនាំកិច្ចប្រជុំត្រួតពិនិត្យតាមដាន និងជំរុញការអនុវត្តគោលនយោបាយ ភូមិ ឃុំ សង្កាត់ មានសុវត្ថិភាព លើកទី២ ឆ្នាំ២០២៦ នៅសាលាស្រុកបាកាន ដើម្បីពង្រឹងសន្តិសុខ សណ្តាប់ធ្នាប់ និងសុខសុវត្ថិភាពជូនប្រជាពលរដ្ឋក្នុងមូលដ្ឋានឱ្យកាន់តែល្អប្រសើរថែមទៀត។

ពោធិ៍សាត់៖ នៅសាលាឃុំឈើតុំ លោក អ៊ន សុផល្លា អភិបាលស្រុកក្រគរ បានអញ្ជើញចូលរួមក្នុងកិច្ចប្រជុំផ្សព្វផ្សាយ និងអប់រំណែនាំផ្ទាល់ដល់អាជ្ញាធរឃុំ ព្រមទាំងមេភូមិគ្រប់ភូមិ ដើម្បីជំរុញ និងលើកកម្ពស់ការយកចិត្តទុកដាក់ខ្ពស់លើការសម្អាតអនាម័យបរិស្ថាន​ កាលពីថ្ងៃទី២១ ខែតុលា ឆ្នាំ២០២៦។ នៅក្នុងឱកាសនោះ លោកអភិបាលស្រុកបានក្រើនរំលឹក និងណែនាំដល់អាជ្ញាធរមូលដ្ឋានទាំងអស់ ឱ្យយកចិត្តទុកដាក់សហការគ្នាផុសផុលក្នុងការសម្អាតអនាម័យបរិស្ថាន ទាំងនៅតាមលំនៅឋានផ្ទាល់ខ្លួន និងតាមបណ្តោយផ្លូវនានាក្នុងមូលដ្ឋាន។ សសរស្ដម្ភដ៏សំខាន់នៃយុទ្ធនាការនេះ គឺការប្តេជ្ញាចិត្តប្រែក្លាយ ឃុំឈើតុំឱ្យគ្មានសំរាម ចាប់ពីពេលនេះតទៅ ដើម្បីធានាបាននូវបរិស្ថានស្អាត សោភណភាពស្រស់បំព្រង និងសុខមាលភាពល្អជូនដល់ប្រជាពលរដ្ឋក្នុងមូលដ្ឋាន។ ជាមួយគ្នានេះ លោកអភិបាលស្រុកក៏បានសំណូមពរឱ្យអាជ្ញាធរឃុំ និងមេភូមិទាំងអស់ ជួយចុះអប់រំផ្សព្វផ្សាយបន្តដល់ប្រជាពលរដ្ឋឲ្យចេះទុកដាក់ និងបោះចោលសំរាមឱ្យបានត្រឹមត្រូវតាមទីកន្លែងកំណត់ ដើម្បីរួមចំណែកកសាងសហគមន៍មួយដែលមានបរិស្ថានបៃតង និងមានអនាម័យខ្ពស់៕ សាយយ័ន្ដ​ វុន្នីយ៉ា

សាលាខេត្តពោធិ៍សាត់បានរៀបចំសិក្ខាសិលាស្តីពី «ចំណេះដឹងផ្នែកហិរញ្ញវត្ថុ និងកិច្ចការពារអតិថិជន» ក្រោមការដឹកនាំរបស់​​ឯកឧត្តម ឡាយ សុខហេង និង លោក ហៀម ឃួន ព្រមទាំងមានការចូលរួមពីមន្ត្រីរាជការ អាជ្ញាធរ និងតំណាងគ្រឹះស្ថានហិរញ្ញវត្ថុយ៉ាងច្រើនកុះករ។