នៅសាលាស្រុកបាកាន នាថ្ងៃទី២២ ខែតុលា ឆ្នាំ២០២៦ ឯកឧត្តម ម៉ៅ សាន សមាជិកក្រុមប្រឹក្សាខេត្តពោធិ៍សាត់ តំណាងឯកឧត្តម ម៉ក់ រ៉ា ប្រធានក្រុមប្រឹក្សាខេត្តពោធិ៍សាត់ និងលោក លឹម សុខតូ អភិបាលរងខេត្តពោធិ៍សាត់ តំណាងឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ បានដឹកនាំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តឆ្នាំទី៣ អាណត្តិទី៤ ឆ្នាំ២០២៦។

ឯកឧត្តម ម៉ក់ រ៉ា  ប្រធានក្រុមប្រឹក្សាខេត្តពោធិ៍សាត់ និង លោក ញឹក បានខេង អភិបាលរងខេត្តពោធិ៍សាត់ បានដឹកនាំវេទិកាផ្សព្វផ្សាយ និងពិគ្រោះយោបល់ របស់ក្រុមប្រឹក្សាខេត្តពោធិ៍សាត់ឆ្នាំទី៣អាណត្តិទី៤ ឆ្នាំ២០២៦ នៅស្រុកតាលោសែនជ័យ ដោយមានការចូលរួមពី សមាជិក សមាជិការក្រុមប្រឹក្សាខេត្ត ស្រុក គណៈអភិបាលស្រុក វាគ្មិនមកពី បណ្តាមន្ទីរអង្គភាព កងកម្លាំងប្រដាប់អាវុធទាំង៣ មេឃុំ អង្គការសង្គមស៊ីវិល អាជីវករនិងអ្នកពាក់ព័ន្ធជាង១៥០នាក់នៅសាលាស្រុក។

ឯកឧត្តម ម៉ក់ រ៉ា  ប្រធានក្រុមប្រឹក្សាខេត្ត និង លោក ញឹក បានខេង អភិបាលរងខេត្ត តំណាងឯកឧត្តម ខូយ រីដា អភិបាល នៃគណៈអភិបាលខេត្ត បានដឹកនាំវេទិកា ផ្សព្វផ្សាយ និងពិគ្រោះយោបល់ របស់ក្រុមប្រឹក្សាខេត្តពោធិ៍សាត់ឆ្នាំទី៣អាណត្តិទី៤ ឆ្នាំ២០២៦ នៅស្រុកភ្នំក្រវាញ ដែលបានប្រារព្ធធ្វើឡើងនៅព្រឹកថ្ងៃទី២០ ខែតុលា ឆ្នាំ២០២៥៦ដោយមានការចូលរួមពី សមាជិក សមាជិការក្រុមប្រឹក្សាខេត្ត ស្រុក គណៈអភិបាលស្រុក វាគ្មិនមកពីបណ្តាមន្ទីរ អង្គភាព កងកម្លាំងប្រដាប់អាវុធទាំង៣ មេឃុំ  អង្គការសង្គមស៊ីវិល អាជីវករនិងអ្នកពាក់ព័ន្ធជាង២០០នាក់នៅទិលានកីឡដ្ឋានក្រវាញ។

ពោធិ៍សាត់៖ ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ និងជាប្រធានគណៈកម្មាធិការគ្រប់គ្រងដីរដ្ឋខេត្តពោធិ៍សាត់ បានអញ្ជើញបើកកិច្ចប្រជុំគណៈកម្មាធិការគ្រប់គ្រងដីរដ្ឋថ្នាក់ខេត្ត ដែលប្រារព្ធធ្វើឡើងនៅសាលប្រជុំកោះសំពៅមាស នៃសាលាខេត្តពោធិ៍សាត់ នារសៀលថ្ងៃចន្ទ ទី១៩ ខែតុលា ឆ្នាំ២០២៦។ កិច្ចប្រជុំដ៏មានសារៈសំខាន់នេះ រៀបចំឡើងក្នុងគោលបំណងពិនិត្យ និងពិភាក្សាលើកិច្ចការងារគ្រប់គ្រងដីរដ្ឋក្នុងដែនសមត្ថកិច្ចទូទាំងខេត្តពោធិ៍សាត់ ឱ្យកាន់តែមានប្រសិទ្ធភាពខ្ពស់ រួមទាំងការធានាបាននូវតម្លាភាព គណនេយ្យភាព និងការការពារទ្រព្យសម្បត្តិរដ្ឋឱ្យបានគត់មត់ថែមទៀត៕ ឃឹម ស្រីនាវ

ឯកឧត្តម ម៉ក់ រ៉ា និងឯកឧត្តម ខូយ រីដា បានដឹកនាំ វេទិកាផ្សព្វផ្សាយ និងពិគ្រោះយោបល់នៅស្រុកវាលវែង ដើម្បីបង្ហាញសមិទ្ធផលប្រចាំឆ្នាំ និងបើកឱកាសឱ្យប្រជាពលរដ្ឋលើកឡើងពីបញ្ហាប្រឈម សំណូមពរ សម្រាប់រួមគ្នាអភិវឌ្ឍន៍មូលដ្ឋាន។

ឯកឧត្តម ខូយ រីដា អភិបាលខេត្តពោធិ៍សាត់ បានចុះពិនិត្យទិន្នផលត្រីដើមរដូវនេសាទនៅឃុំកំពង់លួង ស្រុកក្រគរ ដែលកំពុងមានការកើនឡើងគួរឱ្យកត់សម្គាល់។ កំណើនផលត្រីនេះ កើតចេញពីការចុះបង្ក្រាបបទល្មើសនេសាទយ៉ាងម៉ឺងម៉ាត់របស់អាជ្ញាធរនា ២ ទៅ ៣ ឆ្នាំចុងក្រោយ និងកិច្ចសហការអភិរក្សពីប្រជាពលរដ្ឋ ដែលជួយលើកកម្ពស់ជីវភាពមូលដ្ឋាន និងទ្រទ្រង់សន្តិសុខស្បៀងក្នុងតំបន់។