រដ្ឋមន្ត្រីការបរទេសអាម៉េរិក៖ សហរដ្ឋអាម៉េរិកនឹងបន្តធ្វើការជាមួយកម្ពុជា និងថៃ ដើម្បីគាំទ្រដល់ការអនុវត្តកិច្ចព្រមព្រៀងសន្តិភាពទីក្រុងគូឡាឡាំពួរ

សម្តេចធិបតី៖ ខួប១ឆ្នាំនៃសេចក្តីថ្លែងការរួមទីក្រុងកូឡាឡាំពួរ រវាងកម្ពុជា និងថៃ! កម្ពុជានៅតែគោរពស្មារតី នៃសេចក្តីថ្លែងការរួម

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត៖ «ថ្ងៃនេះគឺគម្រប់ខួប១ឆ្នាំនៃសេចក្តីថ្លែងការរួមទីក្រុងកូឡាឡាំពួរ រវាងកម្ពុជានិងថៃ (ឬហៅថា កិច្ចព្រមព្រៀងសន្តិភាព ទីក្រុងកូឡាឡាំពួរ) ២៦ តុលា ២០២៥ - ២៦ តុលា ២០២៦។

សេចក្តីថ្លែងការណ៍បដិសេធចំពោះការចោទប្រកាន់ដដែលៗរបស់ថៃ និងតវ៉ាដាច់អហង្ការចំពោះសកម្មភាពគ្មានការអនុញ្ញាតនៅតាមទីតាំងបេតិកភណ្ឌវប្បធម៌របស់កម្ពុជា

២៣ តុលា ២០២៦, ០៤:១៨

សេចក្តីថ្លែងការណ៍បដិសេធចំពោះការចោទប្រកាន់ដដែលៗរបស់ថៃ និងតវ៉ាដាច់អហង្ការចំពោះសកម្មភាពគ្មានការអនុញ្ញាតនៅតាមទីតាំងបេតិកភណ្ឌវប្បធម៌របស់កម្ពុជា

(ភ្នំពេញ)៖ ក្រសួងវប្បធម៌ និងវិចិត្រសិល្បៈរបស់កម្ពុជា បានបដិសេធយ៉ាងម៉ឺងម៉ាត់ចំពោះការចោទប្រកាន់ជាបន្តបន្ទាប់របស់អាជ្ញាធរយោធាថៃ ដែលថា កម្ពុជាបានប្រើប្រាស់ទីតាំងប្រាសាទបុរាណសម្រាប់គោលបំណងយោធា។ ក្រសួងបានបញ្ជាក់ថា ការចោទប្រកាន់ដែលគ្មានមូលដ្ឋានទាំងនេះ បានបំភ្លៃការពិត និងបង្វែរការយកចិត្តទុកដាក់ចេញពីការបំផ្លិចបំផ្លាញដែលកងកម្លាំងប្រដាប់អាវុធថៃបានបង្កឡើងចំពោះបេតិកភណ្ឌវប្បធម៌របស់កម្ពុជា។ តាមរយៈសេចក្តីថ្លែងការណ៍នៅថ្ងៃទី២២ ខែតុលា ឆ្នាំ២០២៦នេះ ក្រសួងវប្បធម៌ និងវិចិត្រសិល្បៈ បានសង្កត់ធ្ងន់ថា ប្រាសាទបុរាណ និងទីតាំងបុរាណវិទ្យា គឺជាទីតាំងដែលមានសារៈសំខាន់ផ្នែកវប្បធម៌ ប្រវត្តិសាស្ត្រ និងសាសនា សម្រាប់គោរពបូជា អភិរក្ស ស្រាវជ្រាវ អប់រំ និងទេសចរណ៍ មិនមែនជាមូលដ្ឋានយោធាឡើយ។ ក្នុងនាមជារដ្ឋភាគីនៃអនុសញ្ញាអន្តរជាតិ កម្ពុជានៅតែប្តេជ្ញាចិត្តយ៉ាងមុតមាំក្នុងការការពារបេតិកភណ្ឌវប្បធម៌របស់ខ្លួន ស្របតាមច្បាប់អន្តរជាតិ។

J-23-ឆ្ពោះទៅកិច្ចប្រជុំកំពូលហ្វ្រង់កូហ្វូនីលើកទី២០!

២៣ តុលា ២០២៦, ០៣:៥២

J-23-ឆ្ពោះទៅកិច្ចប្រជុំកំពូលហ្វ្រង់កូហ្វូនីលើកទី២០!

នៅសល់តែ ២៣ ថ្ងៃទៀតប៉ុណ្ណោះនឹងឈានដល់កិច្ចប្រជុំកំពូលហ្វ្រង់កូហ្វូនីលើកទី២០ និងព្រឹត្តិការណ៍ពាក់ព័ន្ធដែលព្រះរាជាណាចក្រកម្ពុជាធ្វើជាម្ចាស់ផ្ទះ រៀបចំឡើងនៅរាជធានីភ្នំពេញពីថ្ងៃទី១៤ ដល់ ១៦ ខែវិច្ឆិកា ឆ្នាំ២០២៦

សេនាធិការកងទ័ពហ្វីលីពីន និងគណៈប្រតិភូ អញ្ជើញចុះពិនិត្យស្ថានភាពជាក់ស្តែងនៅតំបន់ច្រកបឹងត្រកួន

២២ តុលា ២០២៦, ០៩:០៣

សេនាធិការកងទ័ពហ្វីលីពីន និងគណៈប្រតិភូ អញ្ជើញចុះពិនិត្យស្ថានភាពជាក់ស្តែងនៅតំបន់ច្រកបឹងត្រកួន

(ភ្នំពេញ) នៅថ្ងៃពុធ ទី២១ ខែតុលា ឆ្នាំ២០២៦ វេលាម៉ោង ១០:៥៥នាទីព្រឹក ក្រុមអ្នកសម្របសម្រួល (CLG) នៃព្រះរាជាណាចក្រកម្ពុជា បានសម្របសម្រួលជូន ឯកឧត្តម នាយឧត្តមសេនីយ៍ ANTONIO G NAFARRETE សេនាធិការកងទ័ពហ្វីលីពីន និងគណៈប្រតិភូអញ្ជើញចុះពិនិត្យស្ថានភាពជាក់ស្តែងនៅតំបន់ច្រកបឹងត្រកួន ស្ថិតក្នុងឃុំគោករមៀត ស្រុកថ្មពួក ខេត្តបន្ទាយមានជ័យ។ ក្នុងដំណើរទស្សនកិច្ចនេះ ឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ បានធ្វើបទបង្ហាញសង្ខេបជូនគណៈប្រតិភូអំពីបច្ចុប្បន្នភាពនៃស្ថានការណ៍នៅតំបន់ព្រំដែនកម្ពុជា–ថៃ ក្នុងភូមិសាស្ត្រច្រកបឹងត្រកួន។ បទបង្ហាញនេះបានបញ្ជាក់ពីការប្រកាន់ខ្ជាប់របស់កម្ពុជាក្នុងការគោរព និងអនុវត្តបទឈប់បាញ់ ព្រមទាំងសេចក្តីប្រកាសរួមយ៉ាងម៉ឺងម៉ាត់ ប្រកបដោយភាពស្មោះត្រង់ និងស្មារតីទទួលខុសត្រូវខ្ពស់។

(វីដេអូ) : កម្ពុជា-ថៃ ឯកភាពគ្នាលើវិធានការកសាងទំនុកចិត្ត ក្នុងកិច្ចប្រជុំលើកទី២ នៃគណៈកម្មការផ្សះផ្សាក្រោមអនុសញ្ញា UNCLOS

២១ តុលា ២០២៦, ០៣:៤៨

(វីដេអូ) : កម្ពុជា-ថៃ ឯកភាពគ្នាលើវិធានការកសាងទំនុកចិត្ត ក្នុងកិច្ចប្រជុំលើកទី២ នៃគណៈកម្មការផ្សះផ្សាក្រោមអនុសញ្ញា UNCLOS

កម្ពុជា-ថៃ ឯកភាពគ្នាលើវិធានការកសាងទំនុកចិត្ត ក្នុងកិច្ចប្រជុំលើកទី២ នៃគណៈកម្មការផ្សះផ្សាក្រោមអនុសញ្ញា UNCLOS

គណៈកម្មការផ្សះផ្សាក្រោមអនុសញ្ញាអង្គការសហប្រជាជាតិស្តីពីនីតិសមុទ្រ បញ្ចប់កិច្ចប្រជុំលើកទី២ ជាមួយប្រទេសកម្ពុជា និងថៃ

១៩ តុលា ២០២៦, ០១:៣១

គណៈកម្មការផ្សះផ្សាក្រោមអនុសញ្ញាអង្គការសហប្រជាជាតិស្តីពីនីតិសមុទ្រ បញ្ចប់កិច្ចប្រជុំលើកទី២ ជាមួយប្រទេសកម្ពុជា និងថៃ

ចាប់ពីថ្ងៃទី១៤ ដល់ថ្ងៃទី ១៨ ខែតុលា ឆ្នាំ ២០២៦ គណៈកម្មការផ្សះផ្សាក្រោមអនុសញ្ញាអង្គការ សហប្រជាជាតិស្តីពីនីតិសមុទ្រ បានរៀបចំកិច្ចប្រជុំលើកទី២ ជាមួយភាគីកម្ពុជា និងថៃ នៅទីក្រុងឡាអេ ប្រទេសហូឡង់។ ក្នុងអំឡុងពេលនោះ ភាគីទាំងពីរបានឈានដល់ការឯកភាពគ្នាលើវិធានការកសាងទំនុកចិត្ត ដែលមានគោលបំណងជំរុញទំនុកចិត្ត និងភាពជឿជាក់ទៅវិញទៅមក និងសម្រួលដល់ដំណោះស្រាយដោយ សមហេតុផល និងដោយមិត្តភាព ស្របតាមច្បាប់អន្តរជាតិ។

ព័ត៌មានថ្មីៗ

ទឹកទំនប់បង្ហៀរក្បាលហុងស្រកចុះ ប្រជានេសាទឆ្លៀតឱកាសបង់សំណាញ់ និងបណ្តែតមងរកផលនេសាទ

ធនធានទឹក និងឧតុនិយម

ទឹកទំនប់បង្ហៀរក្បាលហុងស្រកចុះ ប្រជានេសាទឆ្លៀតឱកាសបង់សំណាញ់ និងបណ្តែតមងរកផលនេសាទ

ពោធិ៍សាត់៖ នាព្រឹកថ្ងៃទី២៦ ខែតុលា ឆ្នាំ២០២៦ ក្រោយពេលកម្រិតទឹកនៅតំបន់ទំនប់បង្ហៀរក្បាលហុងបានស្រកចុះ គេសង្កេតឃើញប្រជាពលរដ្ឋ និងប្រជានេសាទមូលដ្ឋានជាច្រើននាក់ បាននាំគ្នាឆ្លៀតឱកាសប្រកបមុខរបរនេសាទដោយការបង់សំណាញ់ និងបណ្តែតមងយ៉ាងមមាញឹក នៅតាមបណ្តោយស្ទឹងពោធិ៍សាត់។ សកម្មភាពនេះ គឺជាទម្លាប់ប្រចាំឆ្នាំរបស់ប្រជានេសាទក្នុងខេត្តពោធិ៍សាត់ នៅពេលដែលរដូវទឹកធ្លាក់ចាប់ផ្តើមស្រកចុះ ដែលជាឱកាសពួកគាត់អាចរកផលនេសាទត្រីធម្មជាតិសម្រាប់ផ្គត់ផ្គង់ជីវភាពគ្រួសារ និងលក់ដូរនៅលើទីផ្សារក្នុងស្រុក៕

វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តពោធិ៍សាត់ ឆ្នាំ២០២៦ លើកទី៥ នៅស្រុកកណ្តៀង សម្រេចលទ្ធផលជោគជ័យដោះស្រាយជូនពលរដ្ឋបាន ១០០%

សកម្មភាពថ្នាក់ដឹកនាំ

វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តពោធិ៍សាត់ ឆ្នាំ២០២៦ លើកទី៥ នៅស្រុកកណ្តៀង សម្រេចលទ្ធផលជោគជ័យដោះស្រាយជូនពលរដ្ឋបាន ១០០%

វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តពោធិ៍សាត់ ឆ្នាំទី៣ អាណត្តិទី៤ ឆ្នាំ២០២៦ តាមបណ្ដាក្រុង ស្រុក បានបើកដំណើរការជាលើកទី៥ នៅសាលាស្រុកកណ្តៀង ក្រោមអធិបតីភាព ឯកឧត្តម ម៉ក់ រ៉ា ប្រធានក្រុមប្រឹក្សាខេត្ត និង លោក អ៊ុយ សុធាវី អភិបាលរងខេត្ត ដោយមានអ្នកចូលរួមប្រមាណ ១៧៩នាក់។

អាជ្ញាធរស្រុកភ្នំក្រវាញ ចុះដឹកនាំកម្លាំងជួសជុលផ្លូវលំ សំបុកមាន់ ជូនប្រជាពលរដ្ឋនៅឃុំសំរោង

សកម្មភាពអាជ្ញាធរ

អាជ្ញាធរស្រុកភ្នំក្រវាញ ចុះដឹកនាំកម្លាំងជួសជុលផ្លូវលំ សំបុកមាន់ ជូនប្រជាពលរដ្ឋនៅឃុំសំរោង

ពោធិ៍សាត់៖ លោក ធាម សុផាត អភិបាលនៃគណៈអភិបាលស្រុកភ្នំក្រវាញ បានអញ្ជើញចុះដឹកនាំផ្ទាល់នូវមន្ត្រីរាជការ ក៏ដូចជាអាជ្ញាធរឃុំ ដើម្បីចុះជួសជុលកំណាត់ផ្លូវលំដែលមានស្ថានភាពខូចខាត ផ្លូវសំបុកមាន់ ក្នុងគោលបំណងសម្រួលដល់ការធ្វើដំណើរកាន់តែមានភាពងាយស្រួល និងធានាបាននូវសុវត្ថិភាពជូនដល់ប្រជាពលរដ្ឋ កាលពីថ្ងៃទី២៥ ខែតុលា ឆ្នាំ២០២៦។ ការចុះអន្តរាគមន៍ជួសជុលផ្លូវនេះ ត្រូវបានធ្វើឡើងនៅក្នុងភូមិសាស្ត្រ ឃុំសំរោង ស្រុកភ្នំក្រវាញ ខេត្តពោធិ៍សាត់ ខណៈដែលស្ថានភាពផ្លូវកន្លងមកមានការលំបាកខ្លះៗក្នុងការធ្វើដំណើររបស់ប្រជាពលរដ្ឋ និងការដឹកជញ្ជូនកសិផលផ្សេងៗ។ សកម្មភាពចុះអន្តរាគមន៍ដោះស្រាយបញ្ហាខ្វះខាត និងសំណូមពរទាន់ពេលវេលានេះ គឺជាការយកចិត្តទុកដាក់ខ្ពស់ពីសំណាក់អាជ្ញាធរមូលដ្ឋាន ក្នុងការបម្រើផលប្រយោជន៍ និងឆ្លើយតបទៅនឹងតម្រូវការជាក់ស្តែងរបស់ប្រជាពលរដ្ឋក្នុងមូលដ្ឋាន ដើម្បីលើកកម្ពស់ការតភ្ជាប់ទំនាក់ទំនង និងជីវភាពរស់នៅរបស់ប្រជាពលរដ្ឋឱ្យកាន់តែប្រសើរឡើង។ សាយយ័ន្ដ វុន្នីយ៉ា

ឯកឧត្តម ខូយ រីដា ចុះពិនិត្យស្ថានភាពទឹក និងបញ្ជាឱ្យបិទ-បើកទំនប់ស្ទាក់ទឹកនានា ដើម្បីធានាសុវត្ថិភាពស្បៀង និងទឹកប្រើប្រាស់

ធនធានទឹក និងឧតុនិយម

ឯកឧត្តម ខូយ រីដា ចុះពិនិត្យស្ថានភាពទឹក និងបញ្ជាឱ្យបិទ-បើកទំនប់ស្ទាក់ទឹកនានា ដើម្បីធានាសុវត្ថិភាពស្បៀង និងទឹកប្រើប្រាស់

ពោធិ៍សាត់៖ ឯកឧត្តម ខូយ រីដា អភិបាលខេត្តពោធិ៍សាត់ បានអញ្ជើញដឹកនាំក្រុមការងារបច្ចេកទេសនៃមន្ទីរធនធានទឹក និងឧតុនិយមខេត្ត ព្រមទាំងអាជ្ញាធរមូលដ្ឋាន ចុះពិនិត្យមើលស្ថានភាពទឹកជាក់ស្តែងនៅទំនប់ទឹកដំណាក់អំពិល និងទំនប់ទឹកធារាសាស្ត្រដំណាក់ឈើក្រំ ស្រុកភ្នំក្រវាញ ខេត្តពោធិ៍សាត់ នាព្រឹកថ្ងៃទី២៦ ខែតុលា ឆ្នាំ២០២៦ ។ ការចុះពិនិត្យនេះ ធ្វើឡើងក្នុងគោលបំណងដើម្បីវាយតម្លៃស្ថានភាពទឹក និងធ្វើអន្តរាគមន៍ចាត់ចែងការបិទ និងបើកទឹកតាមបណ្តាស្ថានីយ ព្រមទាំងទំនប់ស្ទាក់ទឹកនានា ស្ថិតក្នុងក្រុង និងស្រុកនៃខេត្តពោធិ៍សាត់។ វិធានការនេះ មិនត្រឹមតែជួយឱ្យការប្រើប្រាស់ទឹកមានប្រសិទ្ធភាពខ្ពស់ប៉ុណ្ណោះទេ ប៉ុន្តែថែមទាំងជាយុទ្ធសាស្ត្រត្រៀមបង្ការហានិភ័យនៃការខ្វះខាតទឹក សម្រាប់បម្រើឱ្យសេចក្តីត្រូវការរបស់ប្រជាពលរដ្ឋ និងការបង្កបង្កើនផលកសិកម្មក្នុងរដូវប្រាំងនាពេលខាងមុខនេះផងដែរ៕