នៅសាលប្រជុំរដ្ឋបាលស្រុកក្រគរ លោក អ៊ន សុផល្លា អភិបាលនៃគណៈអភិបាលស្រុកក្រគរ បានអញ្ជើញដឹកនាំកិច្ចប្រជុំជាមួយក្រុមការងារគណៈកម្មការ និងអនុគណៈកម្មការ ដើម្បីពិភាក្សា និងត្រៀមលក្ខណៈសម្បត្តិឱ្យបានល្អប្រសើរ ក្នុងការចូលរួមព្រឹត្តិការណ៍ប្រណាំងទូក (ង) ខ្នាតអន្តរជាតិ ដែលនឹងប្រព្រឹត្តិទៅនៅស្ទឹងពោធិ៍សាត់ ខេត្តពោធិ៍សាត់ នាពេលខាងមុខនេះ។

កិច្ចប្រជុំអាណត្តិព្រះមន្ត្រីសង្ឃទាំងពីរគណៈមកពី ៤៣ វត្តទូទាំងស្រុក និងពិធីប្រគល់ស្បៀង សម្ភារ និងបច្ច័យជូនអនុសាខាកាកបាទក្រហមកម្ពុជាស្រុកក្រគរ សម្រាប់ចាត់ចែងប្រើប្រាស់ក្នុងកិច្ចការមនុស្សធម៌នៅក្នុងមូលដ្ឋាន បានប្រារព្ធធ្វើឡើងនាថ្ងៃទី២១ ខែតុលា ឆ្នាំ២០២៦ នៅវត្តសុវណ្ណស្លាកែត (ហៅវត្តចាស់) ស្ថិតក្នុងឃុំបឹងកន្ទួត ស្រុកក្រគរ ខេត្តពោធិ៍សាត់។

ពោធិ៍សាត់៖ នៅសាលាឃុំឈើតុំ លោក អ៊ន សុផល្លា អភិបាលស្រុកក្រគរ បានអញ្ជើញចូលរួមក្នុងកិច្ចប្រជុំផ្សព្វផ្សាយ និងអប់រំណែនាំផ្ទាល់ដល់អាជ្ញាធរឃុំ ព្រមទាំងមេភូមិគ្រប់ភូមិ ដើម្បីជំរុញ និងលើកកម្ពស់ការយកចិត្តទុកដាក់ខ្ពស់លើការសម្អាតអនាម័យបរិស្ថាន​ កាលពីថ្ងៃទី២១ ខែតុលា ឆ្នាំ២០២៦។ នៅក្នុងឱកាសនោះ លោកអភិបាលស្រុកបានក្រើនរំលឹក និងណែនាំដល់អាជ្ញាធរមូលដ្ឋានទាំងអស់ ឱ្យយកចិត្តទុកដាក់សហការគ្នាផុសផុលក្នុងការសម្អាតអនាម័យបរិស្ថាន ទាំងនៅតាមលំនៅឋានផ្ទាល់ខ្លួន និងតាមបណ្តោយផ្លូវនានាក្នុងមូលដ្ឋាន។ សសរស្ដម្ភដ៏សំខាន់នៃយុទ្ធនាការនេះ គឺការប្តេជ្ញាចិត្តប្រែក្លាយ ឃុំឈើតុំឱ្យគ្មានសំរាម ចាប់ពីពេលនេះតទៅ ដើម្បីធានាបាននូវបរិស្ថានស្អាត សោភណភាពស្រស់បំព្រង និងសុខមាលភាពល្អជូនដល់ប្រជាពលរដ្ឋក្នុងមូលដ្ឋាន។ ជាមួយគ្នានេះ លោកអភិបាលស្រុកក៏បានសំណូមពរឱ្យអាជ្ញាធរឃុំ និងមេភូមិទាំងអស់ ជួយចុះអប់រំផ្សព្វផ្សាយបន្តដល់ប្រជាពលរដ្ឋឲ្យចេះទុកដាក់ និងបោះចោលសំរាមឱ្យបានត្រឹមត្រូវតាមទីកន្លែងកំណត់ ដើម្បីរួមចំណែកកសាងសហគមន៍មួយដែលមានបរិស្ថានបៃតង និងមានអនាម័យខ្ពស់៕ សាយយ័ន្ដ​ វុន្នីយ៉ា

សាលាខេត្តពោធិ៍សាត់បានរៀបចំសិក្ខាសិលាស្តីពី «ចំណេះដឹងផ្នែកហិរញ្ញវត្ថុ និងកិច្ចការពារអតិថិជន» ក្រោមការដឹកនាំរបស់​​ឯកឧត្តម ឡាយ សុខហេង និង លោក ហៀម ឃួន ព្រមទាំងមានការចូលរួមពីមន្ត្រីរាជការ អាជ្ញាធរ និងតំណាងគ្រឹះស្ថានហិរញ្ញវត្ថុយ៉ាងច្រើនកុះករ។

លោក ទៀង វឌ្ឍនៈ អភិបាលរងស្រុកវាលវែង តំណាង លោក ធាង ឡេង អភិបាលស្រុកវាលវែង បានអញ្ជើញចូលរួមបើកវគ្គបណ្តុះបណ្តាលស្តីពី ការគ្រប់គ្រងអាជីវកម្ម សម្រាប់សមាជិកភូមិមួយផលិតផលមួយ និងសិប្បកម្មក្រៅប្រព័ន្ធ នៅសាលប្រជុំសាលាស្រុកវាលវែង ខេត្តពោធិ៍សាត់។ វគ្គបណ្តុះបណ្តាលនេះ មានការចូលរួមពីតំណាងមជ្ឈមណ្ឌលឫទ្ធិពល ក្រុមការងារ «អេបកត់លុយ» អាជ្ញាធរមូលដ្ឋាន ប្រជាពលរដ្ឋ និងសិស្សានុសិស្ស ដោយផ្តោតលើការប្រកាស និងពង្រឹងចំណេះដឹងផ្នែកគ្រប់គ្រងហិរញ្ញវត្ថុ និងអាជីវកម្ម ដើម្បីជួយឱ្យសហគ្រាសគ្រួសារ និងសិប្បកម្មតូចៗក្នុងមូលដ្ឋានមានការរីកចម្រើន និងមានចីរភាព។

លោក ចាន់ វិចិត្រ អភិបាលស្រុកតាលោសែនជ័យ បានអញ្ជើញចូលរួមក្នុងកិច្ចប្រជុំពង្រឹងវិស័យព្រះពុទ្ធសាសនា និងផ្សព្វផ្សាយសេចក្តីណែនាំរបស់រដ្ឋបាលខេត្តពោធិ៍សាត់ ស្តីពីការរៀបចំពិធីបុណ្យកឋិនទាននាពេលខាងមុខ។ ក្នុងកិច្ចប្រជុំនេះ លោកអភិបាលស្រុកបានណែនាំដល់អាជ្ញាធរមូលដ្ឋាន គណៈកម្មការវត្ត និងភាគីពាក់ព័ន្ធទាំងអស់ ត្រូវសហការគ្នារៀបចំពិធីបុណ្យឱ្យបានត្រឹមត្រូវតាមប្រពៃណីព្រះពុទ្ធសាសនា ព្រមទាំងយកចិត្តទុកដាក់ខ្ពស់លើការរក្សាសន្តិសុខ សណ្តាប់ធ្នាប់ សុវត្ថិភាព និងអនាម័យបរិស្ថាននៅតាមវត្តអារាម ដើម្បីសម្រួលដល់ពុទ្ធបរិស័ទមកធ្វើបុណ្យទានប្រកបដោយភាពរលូន និងជ្រះថ្លា។