គណៈបញ្ជាការឯកភាពរដ្ឋបាលខេត្តកណ្ដាល ចុះពិនិត្យទីតាំងដែលបានបិទនាពេលកន្លងមក ចំនួន១១ ទីតាំងនៅក្រុងសំពៅពូន

ឯកឧត្តម គួច ចំរើន ចាត់ឱ្យលោកជំទាវ ស្រ៊ុន ស្រីនាង ចុះសួរសុខទុក្ខ និងនាំយកអំណោយមនុស្សធម៌ជូនគ្រួសារជនមានពិការភាព ក្នុងក្រុងតាខ្មៅ

សកម្មភាពចុះសួរសុខទុក្ខនេះ មានគោលបំណងសំខាន់ក្នុងការបង្ហាញពីការយកចិត្តទុកដាក់ និងការចែករំលែកក្ដីស្រឡាញ់ពីសំណាក់អាជ្ញាធរខេត្ត និងកាកបាទក្រហមកម្ពុជា ចំពោះប្រជាពលរដ្ឋដែលជួបការលំបាក តាមរយៈការនាំយកអំណោយមនុស្សធម៌ជាគ្រឿងឧបភោគបរិភោគ និងថវិកាទៅផ្តល់ជូនដោយផ្ទាល់ដល់គ្រួសារជនមានពិការភាពនៅសង្កាត់រកាខ្ពស់ ក្រុងតាខ្មៅ។ ការជួយឧបត្ថម្ភនេះ ធ្វើឡើងដើម្បីជួយសម្រាលបន្ទុកជីវភាពរស់នៅប្រចាំថ្ងៃមួយកម្រិត និងលើកកម្ពស់ស្មារតីមនុស្សធម៌ក្នុងសង្គម ។

ឯកឧត្ដម គួច ចំរើន ណែនាំដល់មន្ត្រីគណបក្សស្រុកកៀនស្វាយ និងអាជ្ញាធរ ៖ ត្រូវធ្វើជាអ្នកបម្រើប្រជាជនដោយស្មោះត្រង់ និងមិនត្រូវប្រើអំណាចគាបសង្កត់ ឬធ្វើឱ្យប្រជាពលរដ្ឋមានការភ័យខ្លាចឡើយ។

៣ សីហា ២០២៦, ១២:២៧

ឯកឧត្ដម គួច ចំរើន ណែនាំដល់មន្ត្រីគណបក្សស្រុកកៀនស្វាយ និងអាជ្ញាធរ ៖ ត្រូវធ្វើជាអ្នកបម្រើប្រជាជនដោយស្មោះត្រង់ និងមិនត្រូវប្រើអំណាចគាបសង្កត់ ឬធ្វើឱ្យប្រជាពលរដ្ឋមានការភ័យខ្លាចឡើយ។

ឯកឧត្ដម គួច ចំរើន សមាជិកគណៈកម្មាធិការកណ្ដាល និងជាប្រធានគណៈកម្មាធិការគណបក្សប្រជាជនកម្ពុជាខេត្តកណ្តាល បានធ្វើការណែនាំដូចនេះ ក្នុងឱកាសឯកឧត្ដម អញ្ជើញជាអធិបតីក្នុងពិធីជួបសំណេះសំណាលជាមួយថ្នាក់ដឹកនាំ និងមន្ត្រីគណបក្សស្រុក ឃុំ និងភូមិ ទូទាំងស្រុកកៀនស្វាយ។

លោកស្រី ផល គុយនី ត្រូវបានប្រកាសចូលកាន់មុខតំណែងជាអភិបាលរង នៃគណៈអភិបាលស្រុកស្អាង

២៣ កក្កដា ២០២៦, ០៣:៣៤

លោកស្រី ផល គុយនី ត្រូវបានប្រកាសចូលកាន់មុខតំណែងជាអភិបាលរង នៃគណៈអភិបាលស្រុកស្អាង

ពិធីនេះរៀបចំឡើងក្នុងគោលបំណងប្រកាសផ្ទេរភារកិច្ច និងប្រកាសចូលកាន់មុខតំណែងជាអភិបាលរងស្រុកស្អាង ជូនលោកស្រី ផល គុយនី (ជំនួសលោកស្រី សែម ចាន់ថូ ដែលត្រូវទៅកាន់មុខតំណែងជាអភិបាលរងស្រុកលើកដែកវិញ) ស្របតាមច្បាប់កំណត់អាណត្តិការងារ ដើមដើម្បីពង្រឹងការដឹកនាំ រក្សាសន្តិសុខសណ្តាប់ធ្នាប់ លើកកម្ពស់ការផ្តល់សេវាសាធារណៈ និងជំរុញការអភិវឌ្ឍមូលដ្ឋានស្រុកស្អាងឱ្យកាន់តែរីកចម្រើន។

ពិធីប្រកាសចូលកាន់មុខតំណែង អភិបាលរង នៃគណៈអភិបាលស្រុកលើកដែក

២១ កក្កដា ២០២៦, ១៦:២៩

ពិធីប្រកាសចូលកាន់មុខតំណែង អភិបាលរង នៃគណៈអភិបាលស្រុកលើកដែក

ពិធីនេះរៀបចំឡើងដើម្បីប្រកាសផ្ទេរ និងប្រកាសចូលកាន់មុខតំណែងលោកស្រី សែម ចាន់ថូ ជាអភិបាលរងស្រុកលើកដែក ឆ្លើយតបទៅនឹងកំណែទម្រង់មុខងារសាធារណៈរបស់រាជរដ្ឋាភិបាល ព្រមទាំងផ្តល់ឱកាសឱ្យថ្នាក់ដឹកនាំខេត្តណែនាំដល់អាជ្ញាធរ និងកងកម្លាំងមូលដ្ឋានឱ្យបន្តពង្រឹងកិច្ចសហការ រក្សាសន្តិសុខ សណ្តាប់ធ្នាប់សាធារណៈ អនុវត្តគោលនយោបាយ «ភូមិ-ឃុំ-សង្កាត់មានសុវត្ថិភាព» និងបង្ក្រាបបទល្មើសគ្រប់ប្រភេទ ជាពិសេសបទល្មើសឆបោកតាមប្រព័ន្ធបច្ចេកវិទ្យា (Online Scam) ដើម្បីជួយជំរុញការអភិវឌ្ឍស្រុកឱ្យកាន់តែរីកចម្រើន។

លោក ជី ស៊ីវុត្ថា ដឹកនាំកិច្ចប្រជុំត្រៀមរៀបចំពិធីអបអរសាទរទិវាអន្តរជាតិប្រយុទ្ធប្រឆាំងគ្រឿងញៀន និងពិធីដុតបំផ្លាញគ្រឿងញៀន ក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា

១៩ កក្កដា ២០២៦, ១៦:៣២

លោក ជី ស៊ីវុត្ថា ដឹកនាំកិច្ចប្រជុំត្រៀមរៀបចំពិធីអបអរសាទរទិវាអន្តរជាតិប្រយុទ្ធប្រឆាំងគ្រឿងញៀន និងពិធីដុតបំផ្លាញគ្រឿងញៀន ក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា

ថ្ងៃទី១៦ ខែកក្កដា ឆ្នាំ២០២៦ លោក ជី ស៊ីវុត្ថា នាយករដ្ឋបាលសាលាខេត្តកណ្តាល បានដឹកនាំកិច្ចប្រជុំត្រៀមរៀបចំពិធីអបអរសាទរទិវាអន្តរជាតិប្រយុទ្ធប្រឆាំងគ្រឿងញៀន និងពិធីដុតបំផ្លាញគ្រឿងញៀន។ ពិធីនេះគ្រោងធ្វើឡើងនៅថ្ងៃទី២១ ខែកក្កដា ឆ្នាំ២០២៦ ក្នុងស្រុកពញាឮ ក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាអនុប្រធានអាជ្ញាធរជាតិប្រយុទ្ធប្រឆាំងគ្រឿងញៀន ដោយមានការចូលរួមពីកងកម្លាំង និងមន្ទីរពាក់ព័ន្ធ។

កិច្ចប្រជុំពិភាក្សា និងចុះពិនិត្យទីតាំង សម្រាប់ការរៀបចំទិវាអន្តរជាតិប្រយុទ្ធប្រឆាំងគ្រឿងញៀនឆ្នាំ២០២៦ របស់ ថ្នាក់ដឹកនាំអ.ជ.ប.គ.ញ. និងរដ្ឋបាលខេត្តកណ្តាល

១៥ កក្កដា ២០២៦, ០២:៤៧

កិច្ចប្រជុំពិភាក្សា និងចុះពិនិត្យទីតាំង សម្រាប់ការរៀបចំទិវាអន្តរជាតិប្រយុទ្ធប្រឆាំងគ្រឿងញៀនឆ្នាំ២០២៦ របស់ ថ្នាក់ដឹកនាំអ.ជ.ប.គ.ញ. និងរដ្ឋបាលខេត្តកណ្តាល

នាព្រឹកថ្ងៃទី១៤ ខែកក្កដា ឆ្នាំ២០២៦ លោកស្រី ឧត្តមសេនីយ៍ឯក ឈឹម សិទ្ធិបុណ្យរិទ្ធ ឯកឧត្តម ណុប ដារ៉ា និងលោកឧត្តមសេនីយ៍ឯក ជុន ថាវៀត បានដឹកនាំកិច្ចប្រជុំ និងចុះពិនិត្យទីតាំងរៀបចំទិវាអន្តរជាតិប្រយុទ្ធប្រឆាំងគ្រឿងញៀន និងពិធីដុតបំផ្លាញគ្រឿងញៀន នៅភូមិតាគោក ឃុំឈ្វាំង ស្រុកពញាឮ ខេត្តកណ្តាល ដែលនឹងប្រព្រឹត្តទៅក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី និងរដ្ឋមន្ត្រីក្រសួងមហាផ្ទៃ។

ព័ត៌មានថ្មីៗ

ក្រុមការងារជំនាញ ចុះពិនិត្យ និងវាស់វែងកំណត់និយាមកា ដើម្បីសម្របសម្រួលរំកិលបង្គោលភ្លើងរង ១៧ដើម នៅឃុំបាក់ចិញ្ចៀន

ក្រុមការងារជំនាញ ចុះពិនិត្យ និងវាស់វែងកំណត់និយាមកា ដើម្បីសម្របសម្រួលរំកិលបង្គោលភ្លើងរង ១៧ដើម នៅឃុំបាក់ចិញ្ចៀន

ពោធិ៍សាត់៖ ក្រុមការងារជំនាញ បានចុះអនុវត្តសកម្មភាពពិនិត្យ វាស់វែង និងកំណត់និយាមកា ព្រមទាំងសម្របសម្រួលផ្នែកបច្ចេកទេស លើករណីស្នើសុំរំកិលបង្គោលខ្សែភ្លើងរង ចំនួន ១៧ ដើម នាថ្ងៃទី១៣ ខែសីហា ឆ្នាំ២០២៦។ សកម្មភាពចុះពិនិត្យ និងសម្របសម្រួលបច្ចេកទេសនេះ ត្រូវបានធ្វើឡើងនៅក្នុង ភូមិទួលពង្រ ឃុំបាក់ចិញ្ចៀន ស្រុកភ្នំក្រវាញ ខេត្តពោធិ៍សាត់។ ការចុះវាស់វែង និងកំណត់និយាមកាជាក់ស្តែងនាពេលនេះ ធ្វើឡើងក្នុងគោលបំណងដោះស្រាយ និងសម្របសម្រួលផ្នែកបច្ចេកទេសឱ្យបានត្រឹមត្រូវ សុវត្ថិភាព និងស្របតាមបទដ្ឋានបច្ចេកទេស ដើម្បីឆ្លើយតបទៅនឹងសំណូមពររបស់ប្រជាពលរដ្ឋ ក៏ដូចជាការរៀបចំហេដ្ឋារចនាសម្ព័ន្ធអគ្គិសនីនៅក្នុងមូលដ្ឋានឱ្យមានរបៀបរៀបរយ និងជៀសវាងផលប៉ះពាល់ផ្សេងៗ៕

ក្រុមការងារបច្ចេកទេស ចុះពិនិត្យ និងវាយតម្លៃបញ្ចប់ ១០០% លើគម្រោងជួសជុលផ្លូវក្រាលគ្រួសក្រហម ប្រវែង ១.១០០ម៉ែត្រ ក្នុងឃុំព្រងិល

ក្រុមការងារបច្ចេកទេស ចុះពិនិត្យ និងវាយតម្លៃបញ្ចប់ ១០០% លើគម្រោងជួសជុលផ្លូវក្រាលគ្រួសក្រហម ប្រវែង ១.១០០ម៉ែត្រ ក្នុងឃុំព្រងិល

ពោធិ៍សាត់៖ ក្រុមបច្ចេកទេសថ្នាក់ខេត្ត ថ្នាក់ស្រុក សហការជាមួយគណៈកម្មការលទ្ធកម្មគម្រោងឃុំព្រងិល បានចុះពិនិត្យ និងវាយតម្លៃការអនុវត្តបញ្ចប់ ១០០% លើគម្រោងជួសជុលផ្លូវក្រាលគ្រួសក្រហម ១ ខ្សែ នាព្រឹកថ្ងៃទី១៣ ខែសីហា ឆ្នាំ២០២៦ ។ ផ្លូវដែលបានជួសជុលរួចរាល់នេះ មានប្រវែង ១,១០០ ម៉ែត្រ និងទទឹង ៥ ម៉ែត្រ ស្ថិតនៅក្នុងភូមិអូរបាក់ត្រា ឃុំព្រងិល ស្រុកភ្នំក្រវាញ ខេត្តពោធិ៍សាត់។ ការចុះពិនិត្យ និងវាយតម្លៃនាឱកាសនោះ គឺដើម្បីធានាថាការអនុវត្តគម្រោងជួសជុលផ្លូវនេះបានសម្រេចត្រឹមត្រូវតាមបទដ្ឋានបច្ចេកទេស គុណភាព និងសស្តង់ដារដែលបានកំណត់ សំដៅសម្រួលដល់ការធ្វើដំណើរ និងការដឹកជញ្ជូនកសិផលផ្សេងៗ របស់ប្រជាពលរដ្ឋនៅក្នុងមូលដ្ឋាន ឱ្យកាន់តែមានភាពងាយស្រួល និងសុវត្ថិភាព៕

លោក តាន់ វេងធៀង ដឹកនាំកិច្ចប្រជុំត្រួតពិនិត្យការងារកំណត់អត្តសញ្ញាណគ្រួសារក្រីក្រ នៅមន្ទីរផែនការខេត្តពោធិ៍សាត់

លោក តាន់ វេងធៀង ដឹកនាំកិច្ចប្រជុំត្រួតពិនិត្យការងារកំណត់អត្តសញ្ញាណគ្រួសារក្រីក្រ នៅមន្ទីរផែនការខេត្តពោធិ៍សាត់

ពោធិ៍សាត់៖ មន្ទីរផែនការខេត្តពោធិ៍សាត់ បានរៀបចំកិច្ចប្រជុំស្តីពី «ការចុះត្រួតពិនិត្យការអនុវត្តនីតិវិធីកំណត់អត្តសញ្ញាណកម្មគ្រួសារក្រីក្រ» នៅសាលប្រជុំមន្ទីរផែនការខេត្ត នៅថ្ងៃទី១៣ ខែសីហា ឆ្នាំ២០២៦ នេះ។ កិច្ចប្រជុំនេះ បានប្រព្រឹត្តទៅក្រោមអធិបតីភាព លោក តាន់ វេងធៀង អនុប្រធាននាយកដ្ឋានអត្តសញ្ញាណកម្មគ្រួសារក្រីក្រ នៃក្រសួងផែនការ ដោយមានការចូលរួមពីថ្នាក់ដឹកនាំ មន្ត្រីជំនាញនៃមន្ទីរផែនការខេត្ត និងភាគីពាក់ព័ន្ធជាច្រើនរូប។ អង្គប្រជុំបានផ្តោតសំខាន់លើការត្រួតពិនិត្យ វាយតម្លៃ និងតាមដានការអនុវត្តនីតិវិធី នៃការកំណត់អត្តសញ្ញាណគ្រួសារក្រីក្រកន្លងមក សំដៅធានាឱ្យបាននូវតម្លាភាព សុក្រឹតភាព និងចំទិសដៅ ក្នុងការជួយជ្រោមជ្រែងដល់គ្រួសារក្រីក្រ និងគ្រួសារងាយរងគ្រោះពិតប្រាកដនៅក្នុងមូលដ្ឋានខេត្តពោធិ៍សាត់៕

កសិកម្ម

មន្ទីរកសិកម្ម សហការជាមួយកម្មវិធី ASPIRE-AT បើកវគ្គបណ្តុះបណ្តាល «ការអនុវត្តកសិកម្មល្អ (GAP)» ជូនកសិករនៅសហគមន៍កសិកម្មបាក់ចិញ្ចៀនមានជ័យ

ពោធិ៍សាត់៖ លោកស្រី ដឹប ម៉ារីណា មន្ត្រីនៃការិយាល័យក្សេត្រសាស្ត្រ នៃមន្ទីរកសិកម្ម រុក្ខាប្រម៉ាញ់ និងនេសាទ បានសហការជាមួយកម្មវិធី ASPIRE-AT បើកវគ្គបណ្តុះបណ្តាលស្តីពី «ការអនុវត្តកសិកម្មល្អ (Good Agricultural Practices - GAP)» ជូនដល់បងប្អូនកសិករនៅក្នុងសហគមន៍កសិកម្មបាក់ចិញ្ចៀនមានជ័យ កាលពីថ្ងៃទី១២ ខែសីហា ឆ្នាំ២០២៦។ វគ្គបណ្តុះបណ្តាលនេះ មានកសិករចូលរួមសរុបចំនួន ២៨ នាក់ (ក្នុងនោះមានស្រ្តីចំនួន ២០ នាក់) ដោយបានផ្តោតសំខាន់លើការបង្រៀនបច្ចេកទេសដាំដុះតាមបទដ្ឋានសុវត្ថិភាព ការថែទាំដំណាំ និងការកាត់បន្ថយការប្រើប្រាស់សារធាតុគីមី ដើម្បីបង្កើនគុណភាពផលដំណាំ កែលម្អជីវភាពគ្រួសារ និងធានាសុវត្ថិភាពដល់អ្នកបរិភោគ៕