យោងតាមការតាមដាន និងវិភាគស្ថានភាពអាកាសធាតុ ព្រមទាំងទិន្នន័យឧតុនិយមបច្ចុប្បន្ន មន្ទីរធនធានទឹក និងឧតុនិយមខេត្តស្ទឹងត្រែង សូមជម្រាបជូនសាធារណជន និងអាជ្ញាធរពាក់ព័ន្ធឱ្យ បានជ្រាបថា៖ ចាប់ពីថ្ងៃទី២០ ខែកក្កដា រហូតដល់ថ្ងៃទី១០ ខែសីហា ឆ្នាំ២០២៦ ការវិវត្តនៃបាតុភូត El Niño បានធ្វើឱ្យខ្យល់មូសុងនិរតីនិងថយចុះ លក្ខណៈបែបនេះធ្វើឱ្យបរិមាណទឹកភ្លៀងនៅខេត្ត ស្ទឹងត្រែង ថែមថយមានកម្រិតទាបជាងកម្រិតមធ្យមច្រើនឆ្នាំ។
អភិបាលស្រុកកណ្តៀង និងលោក សុខ លីមុត ប្រធានក្រុមប្រឹក្សាស្រុក បានដឹកនាំក្រុមការងារចុះប្រគល់-ទទួលទំនប់ស្ទាក់ទឹកខ្នាតមធ្យមព្រែកក្បាលរមាស និងពិនិត្យការស្តារប្រឡាយព្រមទាំងសំណង់ធារាសាស្ត្រនៅឃុំអន្លង់វិល និងភូមិព្រែកឈើត្រាវ ដើម្បីលើកកម្ពស់វិស័យកសិកម្ម និងជីវភាពប្រជាពលរដ្ឋ។
កម្លាំងនគរបាលប៉ុស្តិ៍អូសោមដឹកនាំដោយលោកនាយប៉ុស្ដិ៍ សោម រ៉ា និងប្រជាការពារ សរុប ៧នាក់ ចុះអន្តរាគមន៍តាមបណ្ដឹងរបស់ប្រពន្ធជនសង្ស័យ ជនបង្កបានទម្លាក់គ្រាប់បែកផ្ទុះបណ្ដាលឱ្យស្លាប់មនុស្សចំនួន ៦នាក់ រួមមាន៖ មន្ត្រីនគរបាល ២ នាក់ ប្រជាការពារ ៣នាក់ និងជនបង្កខ្លួនឯង និងរបួសធ្ងន់ប្រជាការពារម្នាក់ នាថ្ងៃទី៥ ខែសីហា ឆ្នាំ២០២៦ នៅភូមិឆាយលូក ឃុំអូរសោម ស្រុកវាលវែង ខេត្តពោធិ៍សាត់ ជាប់ពាក់ព័ន្ធនឹងការប្រើប្រាស់គ្រឿងញៀន និងអំពើហិង្សាក្នុងគ្រួសារ។
ស្នងការនគរបាលខេត្តពោធិ៍សាត់ បានចុះណែនាំ និងពង្រឹងការងារនៅប៉ុស្តិ៍នគរបាលបាក់ចិញ្ចៀន និងសំរោង ដោយតម្រូវឱ្យពង្រឹងសន្តិសុខ ទប់ស្កាត់គ្រឿងញៀន ក្មេងទំនើង និង Scam Online ព្រមទាំងបានឧបត្ថម្ភថវិកា ២០ ម៉ឺនរៀល ដល់ប៉ុស្តិ៍នីមួយៗ ។
កម្ពុជាត្រៀមបង្កើតកសិដ្ឋានចិញ្ចឹមគោយកទឹកដោះ និងរោងចក្រកែច្នៃ FARM FRESH PURSAT ដ៏ធំបំផុតលើផ្ទៃដី ១,០០០ ហិកតា ក្នុងស្រុកវាលវែង ខេត្តពោធិ៍សាត់។ គម្រោងនេះមានទុនវិនិយោគសរុប ៦៨ លានដុល្លារអាមេរិក ដែលជាការសហការរវាងក្រុមហ៊ុនកម្ពុជា SONAVITH និងក្រុមហ៊ុនម៉ាឡេស៊ី Farm Fresh Berhad Malaysia ដើម្បីបង្កើតការងារ និងជំរុញសេដ្ឋកិច្ចជាតិ។
