ការិយាល័យគាំពារបរិស្ថាន ចុះតាមដាន និងយកសំណាកទឹកសាធារណៈនៅក្រុងពោធិ៍សាត់ និងស្រុកកណ្តៀង
ខេត្តពោធិ៍សាត់៖ ក្រុមការងារការិយាល័យគាំពារបរិស្ថាន នៃមន្ទីរបរិស្ថានខេត្តពោធិ៍សាត់ បានចុះអនុវត្តការងារជំនាញតាមដានគុណភាពទឹកសាធារណៈ នៅតាមទីតាំងគោលដៅចំនួន ០៣កន្លែង ស្ថិតក្នុងភូមិសាស្ត្រក្រុងពោធិ៍សាត់ និងស្រុកកណ្ដៀង នាថ្ងៃទី៩ ខែកក្កដា ឆ្នាំ២០២៦។ សកម្មភាពចុះជម្រុញការងារបច្ចេកទេសនេះ រួមមាន៖ តាមដានស្ថានភាពទឹកស្ទឹងពោធិ៍សាត់ និងទឹកដែលបានចេញពីអាងប្រព្រឹត្តកម្មសម្អាតរួច និងបន្តនីតិវិធីពិសោធន៍៖ ក្រុមការងារបានប្រមូលយកសំណាកទឹកពីទីតាំងទាំងនោះ ដើម្បីបញ្ជូនទៅកាន់មន្ទីរពិសោធន៍នៃក្រសួងបរិស្ថាន ធ្វើការវិភាគរកកម្រិតស្តង់ដារបច្ចេកទេស។ ការចុះពិនិត្យ និងយកសំណាកទឹកជាប្រចាំនេះ ធ្វើឡើងក្នុងគោលបំណងគ្រប់គ្រងការបំពុល ធានាសុវត្ថិភាពប្រភពទឹកប្រើប្រាស់របស់ប្រជាពលរដ្ឋ និងលើកកម្ពស់គាំពារបរិស្ថានក្នុងមូលដ្ឋានឱ្យកាន់តែប្រសើរឡើង៕
