ផ្លូវជនបទចំនួន ៧ខ្សែ ប្រវែងជាង ៨៤គីឡូម៉ែត្រ ត្រូវបានទទួលស្គាល់គុណភាពថែទាំ ១០០% ក្នុងវគ្គទី១

អបអរសាទរ! ប្រជាពលរដ្ឋក្នុងឃុំអន្លង់ត្នោត និងឃុំអូរសណ្ដាន់ ទទួលបានផ្លូវកៅស៊ូ និងផ្លូវគ្រួសក្រហមថ្មី

ពោធិ៍សាត់៖ អបអរសាទរចំពោះបងប្អូនប្រជាពលរដ្ឋនៅក្នុងឃុំអន្លង់ត្នោត និងឃុំអូរសណ្ដាន់ ស្រុកក្រគរ ដែលទទួលបានសមិទ្ធផលថ្មីនូវ ផ្លូវកៅស៊ូ និងផ្លូវគ្រួសក្រហម ដើម្បីសម្រួលដល់ការធ្វើដំណើរ និងការដឹកជញ្ជូនកសិផលផ្សេងៗឱ្យកាន់តែមានភាពងាយស្រួល។ ក្នុងឱកាសនេះ ប្រជាពលរដ្ឋក្នុងមូលដ្ឋាន សូមសម្តែងនូវការគោរពថ្លែងអំណរគុណយ៉ាងជ្រាលជ្រៅបំផុតជូនចំពោះ ឯកឧត្តមបណ្ឌិត ប្រាំង ជលសា ប្រតិភូរាជរដ្ឋាភិបាល ទទួលបន្ទុកជាអគ្គនាយកអគ្គិសនីកម្ពុជា និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកក្រគរ និងស្រុកកណ្ដៀង ដែលបានផ្តល់ការគាំទ្រយ៉ាងពេញទំហឹងលើគម្រោងកសាងផ្លូវទាំងនេះឡើង៕

អាជ្ញាធរសង្កាត់ស្វាយអាត់ ចុះពិនិត្យបិទការដ្ឋានផ្លូវបេតុងចាស់ និងបើកការដ្ឋានសាងសង់ផ្លូវបេតុងថ្មីប្រវែងជាង ៦០០ម៉ែត្រ

៣ សីហា ២០២៦, ០៣:៥៩

អាជ្ញាធរសង្កាត់ស្វាយអាត់ ចុះពិនិត្យបិទការដ្ឋានផ្លូវបេតុងចាស់ និងបើកការដ្ឋានសាងសង់ផ្លូវបេតុងថ្មីប្រវែងជាង ៦០០ម៉ែត្រ

ពោធិ៍សាត់៖ លោក សឿន កឿន ចៅសង្កាត់ស្វាយអាត់ បានចុះពិនិត្យការដ្ឋានផ្លូវបេតុងចំនួន ១ខ្សែ ដែលបានសាងសង់រួចរាល់ជាស្ថាពរ (បិទការដ្ឋាន) និងបានបន្តចុះពិនិត្យបើកការដ្ឋានសាងសង់ផ្លូវបេតុង ១ខ្សែថ្មីបន្ថែមទៀត ដែលមានប្រវែងជាង ៦០០ ម៉ែត្រ ស្ថិតនៅក្នុងភូមិស្វាយអាត់ សង្កាត់ស្វាយអាត់ ក្រុងពោធិ៍សាត់ ខេត្តពោធិ៍សាត់ កាលពីថ្ងៃទី១ ខែសីហា ឆ្នាំ២០២៦។ សមិទ្ធផលផ្លូវបេតុងទាំងនេះ នឹងចូលរួមចំណែកយ៉ាងសំខាន់ក្នុងការសម្រួលដល់ការធ្វើដំណើរ និងការដឹកជញ្ជូនរបស់ប្រជាពលរដ្ឋក្នុងមូលដ្ឋានឱ្យកាន់តែមានភាពងាយស្រួល និងឆាប់រហ័សជាងមុន៕

គម្រោងសាងសង់ផ្លូវបេតុងអាមេនៅភូមិអន្លង់ហាប សម្រេចបាន ១០០% ប្រកបដោយគុណភាព និងបទដ្ឋានបច្ចេកទេស

៣ សីហា ២០២៦, ០៣:៥០

គម្រោងសាងសង់ផ្លូវបេតុងអាមេនៅភូមិអន្លង់ហាប សម្រេចបាន ១០០% ប្រកបដោយគុណភាព និងបទដ្ឋានបច្ចេកទេស

ពោធិ៍សាត់៖ គណៈកម្មការគ្រប់គ្រងគម្រោងឃុំកោះជុំ បានចុះពិនិត្យ និងវាយតម្លៃលទ្ធផលការដ្ឋានសាងសង់ «ផ្លូវបេតុងអាមេ» ១០០% ដែលស្ថិតនៅក្នុងភូមិអន្លង់ហាប ឃុំកោះជុំ ស្រុកកណ្តៀង ខេត្តពោធិ៍សាត់ នៅព្រឹកថ្ងៃទី៣ ខែសីហា ឆ្នាំ២០២៦ ។ តាមរយៈការចុះពិនិត្យជាក់ស្តែង គណៈកម្មការបានវាយតម្លៃ និងប្រកាសថា ក្រុមហ៊ុន ស្រី សុជាត ដែលជាទទួលការសាងសង់ បានអនុវត្តការងារយ៉ាងត្រឹមត្រូវ ស្របតាមបទដ្ឋាន គុណភាព និងលក្ខណៈបច្ចេកទេស ១០០% ដែលបានកំណត់ក្នុងកិច្ចសន្យា។ សូមបញ្ជាក់ថាគម្រោងនេះជា ប្រភេទគម្រោង ផ្លូវបេតុងអាមេ ប្រវែង ០,២៥០ គ.ម (២៥០ ម៉ែត្រ), ទទឹង ៥ ម៉ែត្រ, កម្រាស់ ១៥០ ម.ម (១៥ ហ៊ុន) ដែលជាមូលនិធិឃុំ ២០៨,៧៥០,០០០រៀល, ថវិកាភាគទាន/ធនធានចូលរួម ៣០០,០០០ រៀល, ថវិកាសរុប៖ ២០៩,០៥០,០០០ រៀល។ សមិទ្ធផលផ្លូវបេតុងថ្មីនេះ នឹងជួយសម្រួលដល់ការធ្វើដំណើរ ដឹកជញ្ជូនកសិផល និងលើកកម្ពស់ជីវភាពរស់នៅរបស់ប្រជាពលរដ្ឋក្នុងភូមិអន្លង់ហាប ឃុំកោះជុំ ស្រុកកណ្តៀង ខេត្តពោធិ៍សាត់ ឱ្យកាន់តែប្រសើរឡើងថែមទៀត៕

អាជ្ញាធរ និងប្រជាពលរដ្ឋសហការគ្នាចុះជួសជុលផ្លូវកៅស៊ូដែលខូច ដើម្បីសម្រួលការធ្វើដំណើររបស់ប្រជាពលរដ្ឋ

៣ សីហា ២០២៦, ០២:៤០

អាជ្ញាធរ និងប្រជាពលរដ្ឋសហការគ្នាចុះជួសជុលផ្លូវកៅស៊ូដែលខូច ដើម្បីសម្រួលការធ្វើដំណើររបស់ប្រជាពលរដ្ឋ

អភិបាលស្រុកក្រគរ បានដឹកនាំកងកម្លាំង និងអាជ្ញាធរឃុំ សហការជាមួយប្រជាពលរដ្ឋ ចុះជួសជុលផ្លូវកៅស៊ូ មានជង្ហុកក្នុងឃុំបឹងកន្ទួត ដើម្បីសម្រួលការធ្វើដំណើរ និងលើកទឹកចិត្តឱ្យពលរដ្ឋចូលរួមថែទាំហេដ្ឋារចនាសម្ព័ន្ធក្រោមស្មារតីសាមគ្គីភាព។

អភិបាលរងខេត្តពោធិ៍សាត់ ដឹកនាំកិច្ចប្រជុំពិភាក្សាអំពីស្ថិតិទីតាំង និងការកំណត់ថ្លៃមូលដ្ឋានភាស៊ីគ្រប់ប្រភេទ

៣១ កក្កដា ២០២៦, ០២:៥២

អភិបាលរងខេត្តពោធិ៍សាត់ ដឹកនាំកិច្ចប្រជុំពិភាក្សាអំពីស្ថិតិទីតាំង និងការកំណត់ថ្លៃមូលដ្ឋានភាស៊ីគ្រប់ប្រភេទ

លោក ហៀម ឃួន អភិបាលរងតំណាងឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ ដឹកនាំកិច្ចប្រជុំពិភាក្សាអំពីស្ថិតិទីតាំង និងការកំណត់ថ្លៃមូលដ្ឋានភាស៊ីគ្រប់ប្រភេទ ដើម្បីត្រៀមដាក់ឱ្យដេញថ្លៃជាសាធារណៈសម្រាប់ធ្វើអាជីវកម្មឆ្នាំ២០២៧។

អភិបាលរងខេត្តពោធិ៍សាត់ ចូលរួមកិច្ចប្រជុំដោះស្រាយបញ្ហាព្រំប្រទល់រដ្ឋបាលខេត្តទាំងបី ដឹកនាំដោយឯកឧត្តមសន្តិបណ្ឌិត ម៉ៅ ច័ន្ទតារា

៣១ កក្កដា ២០២៦, ០២:៥១

អភិបាលរងខេត្តពោធិ៍សាត់ ចូលរួមកិច្ចប្រជុំដោះស្រាយបញ្ហាព្រំប្រទល់រដ្ឋបាលខេត្តទាំងបី ដឹកនាំដោយឯកឧត្តមសន្តិបណ្ឌិត ម៉ៅ ច័ន្ទតារា

លោក ហេង សុភាណា អភិបាលរងខេត្តពោធិ៍សាត់ អមដំណើរដោយលោក ចាន់ វិចិត្រ អភិបាលស្រុកតាលោសែនជ័យ បានចូលរួមកិច្ចប្រជុំពិភាក្សា និងដោះស្រាយបញ្ហាព្រំប្រទល់រដ្ឋបាលខេត្តពោធិ៍សាត់ ខេត្តបាត់ដំបង និងខេត្តបន្ទាយមានជ័យ។ កិច្ចប្រជុំនេះប្រារព្ធឡើងក្រោមអធិបតីភាពឯកឧត្តមសន្តិបណ្ឌិត ម៉ៅ ច័ន្ទតារា រដ្ឋលេខាធិការប្រចាំការក្រសួងមហាផ្ទៃ នៅទីស្តីការក្រសួងមហាផ្ទៃ ដើម្បីធានាភាពច្បាស់លាស់ក្នុងការគ្រប់គ្រងរដ្ឋបាលដែនដី និងសន្តិសុខសណ្តាប់ធ្នាប់សាធារណៈ។

ព័ត៌មានថ្មីៗ

លោកឧត្តមសេនីយ៍ត្រី ឆាយ សុភ័ក្ត្រ តំណាងស្នងការនគរបាលខេត្តពោធិ៍សាត់ នាំយកថវិកាសមាគមមិត្តនគរបាលជាតិកម្ពុជា ប្រគល់ជូនគ្រួសារសពមន្ត្រីនគរបាលចំនួន២គ្រួសារ

សកម្មភាពអាជ្ញាធរ

លោកឧត្តមសេនីយ៍ត្រី ឆាយ សុភ័ក្ត្រ តំណាងស្នងការនគរបាលខេត្តពោធិ៍សាត់ នាំយកថវិកាសមាគមមិត្តនគរបាលជាតិកម្ពុជា ប្រគល់ជូនគ្រួសារសពមន្ត្រីនគរបាលចំនួន២គ្រួសារ

ស្នងការដ្ឋាននគរបាលខេត្តពោធិ៍សាត់ បាននាំយកថវិកាសមាគមមិត្តនគរបាលជាតិកម្ពុជាសរុប ១២លានរៀល ទៅប្រគល់ជូនគ្រួសារសពមន្ត្រីនគរបាលនិវត្តជនចំនួន ២គ្រួសារ (ក្នុងមួយគ្រួសារទទួលបាន ៦លានរៀល) ដើម្បីចូលរួមរំលែកទុក្ខ និងជួយសម្រាលបន្ទុកគ្រួសារ។

អភិបាលខេត្តពោធិ៍សាត់ ចុះជួបសំណេះសំណាល និងពង្រឹងកិច្ចសហការអភិវឌ្ឍវិស័យអប់រំនៅស្រុកភ្នំក្រវាញ

សកម្មភាពថ្នាក់ដឹកនាំ

អភិបាលខេត្តពោធិ៍សាត់ ចុះជួបសំណេះសំណាល និងពង្រឹងកិច្ចសហការអភិវឌ្ឍវិស័យអប់រំនៅស្រុកភ្នំក្រវាញ

ឯកឧត្តម ខូយ រីដា អភិបាលខេត្តពោធិ៍សាត់ បានចុះសំណេះសំណាលជាមួយលោកគ្រូ អ្នកគ្រូ និងគណៈគ្រប់គ្រងសាលាប្រមាណ ៧០នាក់ ក្នុងស្រុកភ្នំក្រវាញ នារសៀលថ្ងៃទី០៤ ខែសីហា ឆ្នាំ២០២៦ ដើម្បីសាកសួរសុខទុក្ខ ស្វែងយល់ពីបញ្ហាប្រឈម និងពង្រឹងកិច្ចសហការអភិវឌ្ឍវិស័យអប់រំថ្នាក់មូលដ្ឋានឱ្យកាន់តែមានប្រសិទ្ធភាពខ្ពស់។

កិច្ចប្រជុំបូកសរុបលទ្ធផលការងារសុវត្ថិភាពចរាចរណ៍ផ្លូវគោក ប្រចាំឆមាសទី១ និងលេីកទិសដៅបន្តឆមាសទី២ ឆ្នាំ២០២៦

សន្តិសុខសង្គម

កិច្ចប្រជុំបូកសរុបលទ្ធផលការងារសុវត្ថិភាពចរាចរណ៍ផ្លូវគោក ប្រចាំឆមាសទី១ និងលេីកទិសដៅបន្តឆមាសទី២ ឆ្នាំ២០២៦

កិច្ចប្រជុំបូកសរុបលទ្ធផលការងារសុវត្ថិភាពចរាចរណ៍ផ្លូវគោក ប្រចាំឆមាសទី១ និងលើកទិសដៅឆមាសទី២ ក្រោមអធិបតីភាព លោក លឹម សុខតូ អភិបាលរងខេត្ត ដោយមានការចូលរួមពីមន្ត្រីពាក់ព័ន្ធ និងអាជ្ញាធរប្រមាណជាង ១០០នាក់។

មកស្គាល់ប្រវត្តិ បុរីវប្បធម៌កោះសំពៅមាស ដ៏ល្បីល្បាញ ដែលស្ថិតនៅក្នុងក្រុងពោធិ៍សាត់ ខេត្តពោធិ៍សាត់

ទេសចរណ៍

មកស្គាល់ប្រវត្តិ បុរីវប្បធម៌កោះសំពៅមាស ដ៏ល្បីល្បាញ ដែលស្ថិតនៅក្នុងក្រុងពោធិ៍សាត់ ខេត្តពោធិ៍សាត់

បុរីវប្បធម៌កោះសំពៅមាស គឺជាតំបន់ទេសចរណ៍ និងជាសួនលំហែកាយដ៏ពេញនិយមមួយ ស្ថិតនៅចំកណ្តាលដងស្ទឹងពោធិ៍សាត់ ក្នុងខេត្តពោធិ៍សាត់។ កោះនេះត្រូវបានចាប់ផ្តើមសាងសង់ឡើងនៅឆ្នាំ២០០៧ និងសម្ពោធដាក់ឱ្យប្រើប្រាស់នៅថ្ងៃទី១០ ខែមករា ឆ្នាំ២០០៩ ក្រោមការផ្តួចផ្តើម និងយកចិត្តទុកដាក់រៀបចំពីសំណាក់ឯកឧត្តម ស៊ុយ សែម រួមជាមួយអាជ្ញាធរខេត្ត។ បច្ចុប្បន្ន ទីកន្លែងនេះត្រូវបានកែលម្អឱ្យមានសួនច្បារស្អាត ភ្លើងពណ៌ចម្រុះ និងទីធ្លាធំទូលាយសម្រាប់ប្រជាពលរដ្ឋហាត់ប្រាណ សម្រាកលំហែកាយ បន់ស្រន់បារមីព្រះអង្គចៅសែន និងជាទីតាំងប្រារព្ធពិធីបុណ្យជាតិសំខាន់ៗ ដែលទាក់ទាញភ្ញៀវទេសចរជាតិ និងអន្តរជាតិមិនឱ្យខកខានក្នុងការចូលទស្សនាឡើយ។