លោក ងួន ប៉ោសេង អញ្ជើញជួបសំណេះសំណាល និងលើកទឹកចិត្តដល់សិស្សានុសិស្សថ្នាក់ទី១២ ក្នុងសង្កាត់ព្រៃញី ត្រៀមប្រឡងបាក់ឌុប
ពោធិ៍សាត់៖ លោក ងួន ប៉ោសេង ប្រធានក្រុមការងារចុះជួយសង្កាត់ព្រៃញី រួមជាមួយអនុប្រធាន និងសមាជិកក្រុមការងារ បានអញ្ជើញជួបសំណេះសំណាល និងផ្តល់ការលើកទឹកចិត្តយ៉ាងកក់ក្តៅដល់សិស្សានុសិស្សថ្នាក់ទី១២ ក្នុងសង្កាត់ព្រៃញី សរុបចំនួន ៤៨នាក់ ដែលត្រូវត្រៀមខ្លួនប្រឡងសញ្ញាបត្រទុតិយភូមិ (បាក់ឌុប) សម័យប្រឡង ១០ សីហា ២០២៦ ខាងមុខនេះ។ ពិធីនេះបានប្រព្រឹត្តទៅនៅទីស្នាក់ការគណបក្សសង្កាត់ព្រៃញី ក្នុងគោលបំណងពិនិត្យការត្រៀមលក្ខណៈ ព្រមទាំងផ្តល់អនុសាសន៍ និងការណែនាំល្អៗ ដើម្បីជួយជំរុញស្មារតីបេក្ខជនទាំងអស់ឲ្យខិតខំប្រឹងប្រែងដណ្តើមយកលទ្ធផលល្អប្រសើរជូនខ្លួនឯង គ្រួសារ និងសង្គមជាតិ៕
