មន្ទីរពេទ្យបង្អែកកណ្ដៀង សហការជាមួយក្រុមគ្រូពេទ្យខេត្តពោធិ៍សាត់ រៀបចំកម្មវិធីពិនិត្យ ព្យាបាល និងវះកាត់ជំងឺភ្នែកជូនប្រជាពលរដ្ឋដោយឥតគិតថ្លៃ

មន្ទីរពេទ្យបង្អែកកណ្ដៀង សហការជាមួយក្រុមគ្រូពេទ្យមន្ទីរសុខាភិបាលខេត្តពោធិ៍សាត់ នឹងរៀបចំកម្មវិធីពិនិត្យ ព្យាបាល និងវះកាត់ជំងឺភ្នែកឡើងបាយ ភ្នែកដុះកន្ទុយថ្លែន ព្រមទាំងចែកវ៉ែនតា និងថ្នាំបន្តក់ភ្នែកជូនប្រជាពលរដ្ឋ ដោយឥតគិតថ្លៃ។ កម្មវិធីនេះនឹងប្រព្រឹត្តទៅចាប់ពីម៉ោង ៧:៣០នាទីព្រឹក ថ្ងៃទី៣១ ខែតុលា ឆ្នាំ២០២៦ ដោយមានការគាំទ្រពីក្រសួងសុខាភិបាល កម្មវិធីជាតិសុខភាពភ្នែក និងមូលនិធិហ្វ្រេដហូឡូ។ អាស្រ័យហេតុនេះ សូមលោកយាយ លោកតា និងបងប្អូនដែលមានបញ្ហាភ្នែក អញ្ជើញមកពិនិត្យឱ្យបានគ្រប់ៗគ្នា។