ឯកឧត្តម លឹម ចន្ទថៃ ប្រធានគណៈកម្មការគ្រប់គ្រងអនុវិទ្យាល័យពោធិ៍សាត់ បានអញ្ជើញដឹកនាំកិច្ចប្រជុំពិភាក្សាស្តីពីដំណើរការឆ្នាំសិក្សាថ្មី រវាងគណៈគ្រប់គ្រងសាលា និងអាណាព្យាបាលសិស្ស នៅសាលប្រជុំអនុវិទ្យាល័យពោធិ៍សាត់។

មន្ទីរសាធារណការ និងដឹកជញ្ជូនខេត្តពោធិ៍សាត់ បានចេញសេចក្តីប្រកាសជូនដំណឹងជាផ្លូវការដល់សាធារណជន និងប្រជាពលរដ្ឋទាំងអស់ ឱ្យបានដឹងថា នៅក្នុងខែតុលាខាងមុខនេះ គម្រោងការងារជួសជុល និងអភិវឌ្ឍន៍ផ្លូវខេត្តលេខ ១៥២H នឹងចាប់ផ្តើមដំណើរការស្ថាបនាជាផ្លូវការហើយ ដើម្បីលើកកម្ពស់គុណភាពសោភណភាព និងភាពរលូននៃការធ្វើដំណើរ។

លោក ផាយ ឡេង អភិបាលក្រុងពោធិ៍សាត់ បានដឹកនាំក្រុមការងារអនាម័យក្រុងនិងចុះធ្វើយុទ្ធនាការសម្អាត បោសសម្អាតដី និងប្រមូលសំណល់ផ្សេងៗ នៅកំណាត់ស្ពានថ្ម តាមបណ្តោយផ្លូវជាតិលេខ៥ ដើម្បីលើកកម្ពស់សោភ័ណភាព និងបរិស្ថានក្រុង។

លោក ផាយ ឡេង អភិបាលក្រុងពោធិ៍សាត់ បានបើកវគ្គសិក្ខាសាលាបំប៉នសមត្ថភាពស្តីពីនីតិវិធីជ្រើសរើសអ្នកផ្គត់ផ្គង់ ក្រោមកម្មវិធីផ្តល់អាហារតាមសាលារៀនដោយប្រើប្រាស់កសិផលក្នុងសហគមន៍ ដែលត្រូវអនុវត្តលើសាលាបឋមសិក្សាគោលដៅចំនួន ៨ទីតាំង ក្នុងក្រុងពោធិ៍សាត់ ដើម្បីលើកកម្ពស់អាហារូបត្ថម្ភសិស្ស និងជួយដល់សេដ្ឋកិច្ចកសិករមូលដ្ឋាន។

ឯកឧត្តមបណ្ឌិត លី ណារុន រដ្ឋលេខាធិការក្រសួងអភិវឌ្ឍន៍ជនបទ បានអញ្ជើញដឹកនាំកិច្ចប្រជុំបូកសរុបលទ្ធផលការងារត្រីមាសទី៣ និងទិសដៅត្រីមាសទី៤ របស់មន្ទីរអភិវឌ្ឍន៍ជនបទខេត្តពោធិ៍សាត់ ក្នុងកិច្ចប្រជុំនោះ ឯកឧត្តមបានដាក់ចេញអនុសាសន៍សំខាន់ៗលើការអភិវឌ្ឍហេដ្ឋារចនាសម្ព័ន្ធ ទឹកស្អាត អនាម័យ និងការពង្រឹងសាមគ្គីភាពផ្ទៃក្នុង។

អភិបាលស្រុកក្រគរ បានដឹកនាំកិច្ចប្រជុំផ្សព្វផ្សាយ និងពង្រឹងសេចក្តីណែនាំស្តីពីអនាម័យ បរិស្ថាន សណ្តាប់ធ្នាប់ និងសន្តិសុខ ក្នុងពិធីបុណ្យកាន់បិណ្ឌ និងភ្ជុំបិណ្ឌ នៅតាមវត្តអារាមទាំង៤៨ ក្នុងស្រុកក្រគរ ខេត្តពោធិ៍សាត់។ កិច្ចប្រជុំនេះធ្វើឡើងនៅសាលប្រជុំរដ្ឋបាលស្រុកក្រគរ ដោយមានអ្នកចូលរួមសរុបចំនួន ៨០នាក់ រួមមានថ្នាក់ដឹកនាំស្រុក កងកម្លាំងទាំង ៣ប្រភេទ មេឃុំ និងនាយប៉ុស្តិ៍ទាំង១១ឃុំ ព្រមទាំងគណៈកម្មការអាចារ្យវត្តផងដែរ