ការបំពេញកាតព្វកិច្ចយោធានឹងទទួលបានប្រាក់ឧតបត្ថម្ភប្រចាំខែ ៤០ម៉ឺនរៀល និងឲ្យត្រឡប់ទៅបំពេញការងារ ឬសិក្សាវិញក្រោយបញ្ចប់កាតព្វកិច្ច

រដ្ឋមន្ត្រីក្រសួងយុត្តិធម៌ បញ្ជាក់ប្រាប់ភារធារីស្ថានទូតអាម៉េរិក ថា កម្ពុជាប្តេជ្ញាចិត្តឥតរាថយ ក្នុងការបោសសម្អាត Online Scams

(ភ្នំពេញ)៖ នាថ្ងៃទី១២ ខែសីហា ឆ្នាំ២០២៦ នៅទីស្តីការក្រសួងយុត្តិធម៌ ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ បានទទួលជួបពិភាក្សាការងារជាមួយ លោកស្រី Aleks Zittle ភារធារីនៃស្ថានទូតសហរដ្ឋអាម៉េរិកប្រចាំកម្ពុជា ព្រមទាំងសហការី។ ក្នុងឱកាសនោះ ឯកឧត្តមឧបនាយករដ្ឋមន្ត្រីបានសម្តែងនូវការស្វាគមន៍យ៉ាងកក់ក្តៅ និងបានវាយតម្លៃខ្ពស់ចំពោះសមិទ្ធផលនៃកិច្ចសហប្រតិបត្តិការរវាងក្រសួងយុត្តិធម៌ និងស្ថានទូតសហរដ្ឋអាម៉េរិកប្រចាំកម្ពុជានាពេលកន្លងមក។ ឯកឧត្តមឧបនាយករដ្ឋមន្ត្រី បានបញ្ជាក់ច្បាស់ៗ ប្រាប់ភាគីអាម៉េរិកថា រាជរដ្ឋាភិបាលកម្ពុជា បាននិងកំពុងខិតខំប្រឹងប្រែងយ៉ាងសកម្ម ដោយមាន «ការប្តេជ្ញាចិត្តឥតដកថយ» ក្នុងការបោសសម្អាតឧក្រិដ្ឋកម្មឆបោកតាមប្រព័ន្ធបច្ចេកវិទ្យា។

ក្រសួងមហាផ្ទៃ ជំរុញឱ្យអភិបាលរាជធានី ខេត្ត ពន្លឿនការដោះស្រាយបញ្ហាព្រំប្រទល់រដ្ឋបាលរាជធានី ខេត្ត ក្រុង ស្រុក ខណ្ឌ និងឃុំ សង្កាត់ ឱ្យបានចប់សព្វគ្រប់យ៉ាងយូរត្រឹមថ្ងៃទី៣០ ខែវិច្ឆិកា ឆ្នាំ២០២៦

១៣ សីហា ២០២៦, ០៨:៤៩

ក្រសួងមហាផ្ទៃ ជំរុញឱ្យអភិបាលរាជធានី ខេត្ត ពន្លឿនការដោះស្រាយបញ្ហាព្រំប្រទល់រដ្ឋបាលរាជធានី ខេត្ត ក្រុង ស្រុក ខណ្ឌ និងឃុំ សង្កាត់ ឱ្យបានចប់សព្វគ្រប់យ៉ាងយូរត្រឹមថ្ងៃទី៣០ ខែវិច្ឆិកា ឆ្នាំ២០២៦

(ភ្នំពេញ)៖ ដើម្បីធានាថា ការងារកំណត់ព្រំប្រទល់រដ្ឋបាល នៅគ្រប់ថ្នាក់រដ្ឋបាល ត្រូវបានបញ្ចប់ដោយត្រឹមត្រូវ ស្របតាមគោលការណ៍ច្បាប់ និងទាន់ពេលវេលាកំណត់ ខណៈដែលរដ្ឋបាលមួយចំនួន នៅមិនទាន់បានពិនិត្យ និងដោះស្រាយបញ្ចប់នៅឡើយនោះ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានចេញលិខិត ចុះថ្ងៃទី១១ ខែសីហា ឆ្នាំ២០២៦ ផ្ញើទៅអភិបាលរាជធានី-ខេត្ត ដោយពន្លឿនការកំណត់ព្រំប្រទល់រដ្ឋបាលដែនដី ឱ្យចប់មុនដំណាច់ខែវិច្ឆិកា ឆ្នាំ២០២៦ ។ សេចក្តីជួនដំណឹងរបស់ក្រសួងមហាផ្ទៃ បានបន្ថែមថា នៅពេលឯកភាពគ្នាបញ្ចប់ការដោះស្រាយរួចរាល់ លើខ្សែព្រំប្រទល់រដ្ឋបាល គឺត្រូវចុះហត្ថលេខា លើកំណត់ហេតុប្រជុំ ផែនទី និងរៀបចំសំណើ ដោយភ្ជាប់សំណុំឯកសារបច្ចេកទេស រួចបញ្ជូនមកក្រសួងមហាផ្ទៃ ដើម្បីមានមូលដ្ឋានគ្រប់គ្រាន់ គោរពរាយការណ៍ និងស្នើសុំគោលការណ៍ពិនិត្យ សម្រេចពីប្រមុខរាជរដ្ឋាភិបាល។

AOT ចុះសង្កេតការណ៍ផ្ទៀងផ្ទាត់ និងរាយការណ៍នៅចំណុចផ្ទះប្រជាជនស៊ីវិលចំនួន ១១៤ខ្នង ដែលរងផលប៉ះពាល់ទាំងស្រុង នៅក្នុងភូមិតេជោមរកត

១២ សីហា ២០២៦, ០១:៤០

AOT ចុះសង្កេតការណ៍ផ្ទៀងផ្ទាត់ និងរាយការណ៍នៅចំណុចផ្ទះប្រជាជនស៊ីវិលចំនួន ១១៤ខ្នង ដែលរងផលប៉ះពាល់ទាំងស្រុង នៅក្នុងភូមិតេជោមរកត

អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា សូមជម្រាបជូនសាធារណជន អ្នកសារព័ត៌មានជាតិ និងអន្តរជាតិមេត្តាជ្រាបថា៖ នៅថ្ងៃអង្គារ ទី១១ ខែសីហា ឆ្នាំ២០២៦ វេលាម៉ោង ១០:៣០នាទីព្រឹក ក្រុមអ្នកសម្របសម្រួល (CLG) នៃព្រះរាជាណាចក្រកម្ពុជា បានសម្របសម្រួលជូនក្រុមអ្នកសង្កេតការណ៍អាស៊ានប្រចាំព្រះរាជាណាចក្រកម្ពុជា (ASEAN Observer Team–Cambodia: AOT-KH) ដឹកនាំដោយ ប្រធានបេសកកម្មក្រុមអ្នកសង្កេតការណ៍អាស៊ាន (AOT KH HOM) ពីសាធារណរដ្ឋហ្វីលីពីន ចុះសង្កេតការណ៍ផ្ទៀងផ្ទាត់ និងរាយការណ៍អំពីស្ថានភាពតាមបណ្តោយព្រំដែនកម្ពុជា-ថៃ នៅចំណុចផ្ទះប្រជាជនស៊ីវិលចំនួន ១១៤ខ្នង រងផលប៉ះពាល់ទាំងស្រុង ហើយប្រជាជនសរុបចំនួន ៥១១នាក់ (ស្រីចំនួន ២៦៨នាក់) នៅមិនទាន់អាចត្រលប់ទៅលំនៅឋានវិញបាន ដែលស្ថិតនៅក្នុងភូមិតេជោមរកត ឃុំមរកត ស្រុកជាំក្សាន្ត ខេត្តព្រះវិហារ។

កម្ពុជាសម្របសម្រួលជូនក្រុមអ្នកសង្កេតការណ៍អាស៊ាន (AOT-KH) ចុះពិនិត្យការខូចខាតហេដ្ឋារចនាសម្ព័ន្ធស៊ីវិលនៅព្រំដែនខេត្តព្រះវិហារ

១១ សីហា ២០២៦, ០៧:៤១

កម្ពុជាសម្របសម្រួលជូនក្រុមអ្នកសង្កេតការណ៍អាស៊ាន (AOT-KH) ចុះពិនិត្យការខូចខាតហេដ្ឋារចនាសម្ព័ន្ធស៊ីវិលនៅព្រំដែនខេត្តព្រះវិហារ

អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា សូមជម្រាបជូនសាធារណជន អ្នកសារព័ត៌មានជាតិ និងអន្តរជាតិមេត្តាជ្រាបថា៖ នៅថ្ងៃអង្គារ ទី១១ ខែសីហា ឆ្នាំ២០២៦ វេលាម៉ោង០៩:៣០នាទីព្រឹក ក្រុមអ្នកសម្របសម្រួល (CLG) នៃព្រះរាជាណាចក្រកម្ពុជា បានសម្របសម្រួលជូនក្រុមអ្នកសង្កេតការណ៍អាស៊ានប្រចាំព្រះរាជាណាចក្រកម្ពុជា (ASEAN Observer Team–Cambodia: AOT-KH) ដឹកនាំដោយ ប្រធានបេសកកម្មក្រុមអ្នកសង្កេតការណ៍អាស៊ាន (AOT KH HOM) ពីសាធារណរដ្ឋហ្វីលីពីន ចុះសង្កេតការណ៍ផ្ទៀងផ្ទាត់ និងរាយការណ៍អំពីស្ថានភាពតាមបណ្តោយព្រំដែនកម្ពុជា-ថៃ នៅទីតាំងមណ្ឌលសុខភាពតេជោមរកត ស្ថិតក្នុងភូមិតេជោមរកត ឃុំមរកត ស្រុកជាំក្សាន្ត ខេត្តព្រះវិហារ។

សង្ខេបសកម្មភាពឈ្លានពានប្រដាប់អាវុធរបស់យោធាថៃមកលើអធិបតេយ្យនិងបូរណភាពទឹកដីកម្ពុជាចន្លោះពីថ្ងៃទី២៤ ដល់ថ្ងៃទី២៨ ខែកក្កដា ឆ្នាំ២០២៥

១១ សីហា ២០២៦, ០៦:៥២

សង្ខេបសកម្មភាពឈ្លានពានប្រដាប់អាវុធរបស់យោធាថៃមកលើអធិបតេយ្យនិងបូរណភាពទឹកដីកម្ពុជាចន្លោះពីថ្ងៃទី២៤ ដល់ថ្ងៃទី២៨ ខែកក្កដា ឆ្នាំ២០២៥

សង្ខេបសកម្មភាពឈ្លានពានប្រដាប់អាវុធរបស់យោធាថៃមកលើអធិបតេយ្យនិងបូរណភាពទឹកដីកម្ពុជាចន្លោះពីថ្ងៃទី២៤ ដល់ថ្ងៃទី២៨ ខែកក្កដា ឆ្នាំ២០២៥ Summary of the Thai Military’s Armed Aggression Against Cambodia’s Sovereignty and Territorial Integrity from 24 to 28 July 2025 Résumé des actes d’agression menés par l’armée thaïlandaise contre la souveraineté et l’intégrité territoriale du Cambodge du 24 au 28 juillet 2025 See less

ប្រាសាទតាមាន់ធំស្ថិតក្នុងទឹកដីកម្ពុជាបើយោងតាមផែនទីមាត្រដ្ឋាន ១/២០០ ០០០

៩ សីហា ២០២៦, ០៨:៥៦

ប្រាសាទតាមាន់ធំស្ថិតក្នុងទឹកដីកម្ពុជាបើយោងតាមផែនទីមាត្រដ្ឋាន ១/២០០ ០០០

មន្ត្រីរដ្ឋលេខាធិការដ្ឋានកិច្ចការព្រំដែន៖ ប្រាសាទតាមាន់ធំស្ថិតក្នុងទឹកដីកម្ពុជាបើយោងតាមផែនទីមាត្រដ្ឋាន ១/២០០ ០០០ និងកំណត់ហេតុ (PV) បោះបង្គោលរបស់គណៈកម្មការឥណ្ឌូចិន-សៀម ឆ្នាំ១៩០៨ និងឆ្នាំ១៩១៩ និងយោងតាមផែនទី L7017 មាត្រដ្ឋាន ១/៥០ ០០០ ដែលថៃគូសដោយឯកតោភាគី (English Version)។

ព័ត៌មានថ្មីៗ

ក្រុមការងារជំនាញ ចុះពិនិត្យ និងវាស់វែងកំណត់និយាមកា ដើម្បីសម្របសម្រួលរំកិលបង្គោលភ្លើងរង ១៧ដើម នៅឃុំបាក់ចិញ្ចៀន

សកម្មភាពអាជ្ញាធរ

ក្រុមការងារជំនាញ ចុះពិនិត្យ និងវាស់វែងកំណត់និយាមកា ដើម្បីសម្របសម្រួលរំកិលបង្គោលភ្លើងរង ១៧ដើម នៅឃុំបាក់ចិញ្ចៀន

ពោធិ៍សាត់៖ ក្រុមការងារជំនាញ បានចុះអនុវត្តសកម្មភាពពិនិត្យ វាស់វែង និងកំណត់និយាមកា ព្រមទាំងសម្របសម្រួលផ្នែកបច្ចេកទេស លើករណីស្នើសុំរំកិលបង្គោលខ្សែភ្លើងរង ចំនួន ១៧ ដើម នាថ្ងៃទី១៣ ខែសីហា ឆ្នាំ២០២៦។ សកម្មភាពចុះពិនិត្យ និងសម្របសម្រួលបច្ចេកទេសនេះ ត្រូវបានធ្វើឡើងនៅក្នុង ភូមិទួលពង្រ ឃុំបាក់ចិញ្ចៀន ស្រុកភ្នំក្រវាញ ខេត្តពោធិ៍សាត់។ ការចុះវាស់វែង និងកំណត់និយាមកាជាក់ស្តែងនាពេលនេះ ធ្វើឡើងក្នុងគោលបំណងដោះស្រាយ និងសម្របសម្រួលផ្នែកបច្ចេកទេសឱ្យបានត្រឹមត្រូវ សុវត្ថិភាព និងស្របតាមបទដ្ឋានបច្ចេកទេស ដើម្បីឆ្លើយតបទៅនឹងសំណូមពររបស់ប្រជាពលរដ្ឋ ក៏ដូចជាការរៀបចំហេដ្ឋារចនាសម្ព័ន្ធអគ្គិសនីនៅក្នុងមូលដ្ឋានឱ្យមានរបៀបរៀបរយ និងជៀសវាងផលប៉ះពាល់ផ្សេងៗ៕

ក្រុមការងារបច្ចេកទេស ចុះពិនិត្យ និងវាយតម្លៃបញ្ចប់ ១០០% លើគម្រោងជួសជុលផ្លូវក្រាលគ្រួសក្រហម ប្រវែង ១.១០០ម៉ែត្រ ក្នុងឃុំព្រងិល

សកម្មភាពអាជ្ញាធរ

ក្រុមការងារបច្ចេកទេស ចុះពិនិត្យ និងវាយតម្លៃបញ្ចប់ ១០០% លើគម្រោងជួសជុលផ្លូវក្រាលគ្រួសក្រហម ប្រវែង ១.១០០ម៉ែត្រ ក្នុងឃុំព្រងិល

ពោធិ៍សាត់៖ ក្រុមបច្ចេកទេសថ្នាក់ខេត្ត ថ្នាក់ស្រុក សហការជាមួយគណៈកម្មការលទ្ធកម្មគម្រោងឃុំព្រងិល បានចុះពិនិត្យ និងវាយតម្លៃការអនុវត្តបញ្ចប់ ១០០% លើគម្រោងជួសជុលផ្លូវក្រាលគ្រួសក្រហម ១ ខ្សែ នាព្រឹកថ្ងៃទី១៣ ខែសីហា ឆ្នាំ២០២៦ ។ ផ្លូវដែលបានជួសជុលរួចរាល់នេះ មានប្រវែង ១,១០០ ម៉ែត្រ និងទទឹង ៥ ម៉ែត្រ ស្ថិតនៅក្នុងភូមិអូរបាក់ត្រា ឃុំព្រងិល ស្រុកភ្នំក្រវាញ ខេត្តពោធិ៍សាត់។ ការចុះពិនិត្យ និងវាយតម្លៃនាឱកាសនោះ គឺដើម្បីធានាថាការអនុវត្តគម្រោងជួសជុលផ្លូវនេះបានសម្រេចត្រឹមត្រូវតាមបទដ្ឋានបច្ចេកទេស គុណភាព និងសស្តង់ដារដែលបានកំណត់ សំដៅសម្រួលដល់ការធ្វើដំណើរ និងការដឹកជញ្ជូនកសិផលផ្សេងៗ របស់ប្រជាពលរដ្ឋនៅក្នុងមូលដ្ឋាន ឱ្យកាន់តែមានភាពងាយស្រួល និងសុវត្ថិភាព៕

លោក តាន់ វេងធៀង ដឹកនាំកិច្ចប្រជុំត្រួតពិនិត្យការងារកំណត់អត្តសញ្ញាណគ្រួសារក្រីក្រ នៅមន្ទីរផែនការខេត្តពោធិ៍សាត់

សកម្មភាពអាជ្ញាធរ

លោក តាន់ វេងធៀង ដឹកនាំកិច្ចប្រជុំត្រួតពិនិត្យការងារកំណត់អត្តសញ្ញាណគ្រួសារក្រីក្រ នៅមន្ទីរផែនការខេត្តពោធិ៍សាត់

ពោធិ៍សាត់៖ មន្ទីរផែនការខេត្តពោធិ៍សាត់ បានរៀបចំកិច្ចប្រជុំស្តីពី «ការចុះត្រួតពិនិត្យការអនុវត្តនីតិវិធីកំណត់អត្តសញ្ញាណកម្មគ្រួសារក្រីក្រ» នៅសាលប្រជុំមន្ទីរផែនការខេត្ត នៅថ្ងៃទី១៣ ខែសីហា ឆ្នាំ២០២៦ នេះ។ កិច្ចប្រជុំនេះ បានប្រព្រឹត្តទៅក្រោមអធិបតីភាព លោក តាន់ វេងធៀង អនុប្រធាននាយកដ្ឋានអត្តសញ្ញាណកម្មគ្រួសារក្រីក្រ នៃក្រសួងផែនការ ដោយមានការចូលរួមពីថ្នាក់ដឹកនាំ មន្ត្រីជំនាញនៃមន្ទីរផែនការខេត្ត និងភាគីពាក់ព័ន្ធជាច្រើនរូប។ អង្គប្រជុំបានផ្តោតសំខាន់លើការត្រួតពិនិត្យ វាយតម្លៃ និងតាមដានការអនុវត្តនីតិវិធី នៃការកំណត់អត្តសញ្ញាណគ្រួសារក្រីក្រកន្លងមក សំដៅធានាឱ្យបាននូវតម្លាភាព សុក្រឹតភាព និងចំទិសដៅ ក្នុងការជួយជ្រោមជ្រែងដល់គ្រួសារក្រីក្រ និងគ្រួសារងាយរងគ្រោះពិតប្រាកដនៅក្នុងមូលដ្ឋានខេត្តពោធិ៍សាត់៕

កសិកម្ម

មន្ទីរកសិកម្ម សហការជាមួយកម្មវិធី ASPIRE-AT បើកវគ្គបណ្តុះបណ្តាល «ការអនុវត្តកសិកម្មល្អ (GAP)» ជូនកសិករនៅសហគមន៍កសិកម្មបាក់ចិញ្ចៀនមានជ័យ

ពោធិ៍សាត់៖ លោកស្រី ដឹប ម៉ារីណា មន្ត្រីនៃការិយាល័យក្សេត្រសាស្ត្រ នៃមន្ទីរកសិកម្ម រុក្ខាប្រម៉ាញ់ និងនេសាទ បានសហការជាមួយកម្មវិធី ASPIRE-AT បើកវគ្គបណ្តុះបណ្តាលស្តីពី «ការអនុវត្តកសិកម្មល្អ (Good Agricultural Practices - GAP)» ជូនដល់បងប្អូនកសិករនៅក្នុងសហគមន៍កសិកម្មបាក់ចិញ្ចៀនមានជ័យ កាលពីថ្ងៃទី១២ ខែសីហា ឆ្នាំ២០២៦។ វគ្គបណ្តុះបណ្តាលនេះ មានកសិករចូលរួមសរុបចំនួន ២៨ នាក់ (ក្នុងនោះមានស្រ្តីចំនួន ២០ នាក់) ដោយបានផ្តោតសំខាន់លើការបង្រៀនបច្ចេកទេសដាំដុះតាមបទដ្ឋានសុវត្ថិភាព ការថែទាំដំណាំ និងការកាត់បន្ថយការប្រើប្រាស់សារធាតុគីមី ដើម្បីបង្កើនគុណភាពផលដំណាំ កែលម្អជីវភាពគ្រួសារ និងធានាសុវត្ថិភាពដល់អ្នកបរិភោគ៕