រដ្ឋបាលស្រុកតាលោសែនជ័យ ថ្លែងអំណរគុណអាជីវករផ្សារថ្លុកដង្កោ ដែលបានឧបត្ថម្ភគ្រឿងឧបភោគបរិភោគ និងថវិកា
ខេត្តពោធិ៍សាត់៖ រដ្ឋបាលស្រុកតាលោសែនជ័យ សូមថ្លែងអំណរគុណយ៉ាងជ្រាលជ្រៅបំផុតជូនចំពោះ លោក ទី ណាក់ និងភរិយា ដែលជាអាជីវករលក់ដូរនៅផ្សារថ្លុកដង្កោ ចំពោះទឹកចិត្តសប្បុរសធម៌ក្នុងការជួយឧបត្ថម្ភសម្ភារ និងថវិកាដល់រដ្ឋបាលស្រុក។ អំណោយដែលបានឧបត្ថម្ភរួមមាន៖ អង្ករ ១,០០០ គីឡូក្រាម, ទឹកបរិសុទ្ធ ១០ កេស និង ថវិកា ៥០០,០០០ រៀល។ រដ្ឋបាលស្រុកនឹងយកអំណោយទាំងអស់នេះ ទៅប្រើប្រាស់ក្នុងសកម្មភាពជាប្រយោជន៍សាធារណៈ ក៏ដូចជាឆ្លើយតបទៅនឹងតម្រូវការចាំបាច់នានារបស់បងប្អូនប្រជាពលរដ្ឋនៅក្នុងមូលដ្ឋាន៕
