សមត្ថកិច្ចក្រុងពោធិ៍សាត់ បង្ក្រាបករណីរក្សាទុក និងជួញដូរគ្រឿងញៀន ឃាត់ខ្លួនមនុស្ស ៣នាក់ និងដកហូតថ្នាំញៀនជាង ៣០ក្រាម
ប្រតិបត្តិការនេះបានធ្វើឡើងកាលពីថ្ងៃទី១២ ខែកញ្ញា ឆ្នាំ២០២៦ វេលាម៉ោង ១៥:០៥នាទី ដោយកម្លាំងសមត្ថកិច្ចបានបើកការឃាត់ខ្លួនជនសង្ស័យទី១ ឈ្មោះ ខ ស.ភ ភេទប្រុស អាយុ ៣១ឆ្នាំ (មានទីលំនៅភូមិសំរោង ឃុំកញ្ជរ ស្រុកកណ្ដៀង) នៅចំណុចលើផ្លូវបេតុង ស្ថិតក្នុងភូមិក្បាលហុង សង្កាត់ផ្ទះព្រៃ ក្រុងពោធិ៍សាត់។ ក្នុងការឃាត់ខ្លួននេះ សមត្ថកិច្ចដកហូតបានម្សៅក្រាមសថ្លាសង្ស័យជាសារធាតុញៀនចំនួន ០២កញ្ចប់ (ទម្ងន់ ៤.២៥ក្រាម សាច់ថ្នាំសុទ្ធ), ទូរស័ព្ទដៃ ១គ្រឿង, ម៉ូតូហុងដាឌ្រីម ឆ្នាំ២០២២ គ្មានស្លាកលេខ ០១គ្រឿង និងជញ្ជីងសម្រាប់ថ្លឹងថ្នាំញៀន ០១គ្រឿង។ តាមការធ្វើតេស្តទឹកនោម ជនសង្ស័យរូបនេះមានលទ្ធផល វិជ្ជមាន សារធាតុញៀន។
