សកម្មភាពរួមគ្នាដាំកូនឈើ និងរើសសំរាមតាមបណ្តោយផ្លូវជាតិលេខ៥ ឆ្ពោះទៅពហុកីឡដ្ឋានសម្តេចតេជោ
ស្រុកក្រគរ៖ មន្ត្រីរដ្ឋបាលស្រុកក្រគរ បានរួមគ្នាដាំកូនឈើ និងចុះសម្អាតបរិស្ថាន ដើម្បលើកកម្ពស់សោភ័ណភាពតាមបណ្តោយផ្លូវជាតិលេខ៥ នាថ្ងៃសៅរ៍ ទី១១ ខែកក្កដា ឆ្នាំ២០២៦ នេះ។ សកម្មភាពនេះ បានធ្វើឡើងចាប់ពីចំណុចក្លោងទ្វារវត្តសម្តេចយស រហូតដល់ពហុកីឡដ្ឋានថ្មី ស្ថិតក្នុងភូមិសាស្ត្រឃុំតាមបណ្តោយផ្លូវជាតិលេខ៥។ ក្រៅពីការប្រមូល និងវេចខ្ចប់សំរាមឱ្យមានរបៀបរៀបរយ ក្រុមការងារក៏បានដាំកូនឈើបន្ថែមនៅតាមបណ្តោយផ្លូវជាតិ ដើម្បីបង្កើនគម្របបៃតង ផ្តល់ម្លប់ និងកាត់បន្ថយកម្តៅ បង្កើតបានជាបរិស្ថានរស់នៅប្រកបដោយភាពស្រស់បំព្រងសម្រាប់ប្រជាពលរដ្ឋក្នុងមូលដ្ឋាន ក៏ដូចជាអ្នកធ្វើដំណើរផងដែរ៕
