ក្រុមប្រឹក្សាខេត្តកំពង់ធំ រៀបចំវេទិកាផ្សព្វផ្សាយ និងពិគ្រោះយោបល់ ដើម្បីស្តាប់មតិយោបល់ និងដោះស្រាយសំណូមពររបស់ប្រជាពលរដ្ឋ នៅស្រុកសន្ទុក
សកម្មភាពបងប្អូនប្រជាពលរដ្ឋបានអញ្ជើញមកទទួលសេវារដ្ឋបាលនៅការិយាល័យច្រកចេញចូលតែមួយ នៃរដ្ឋបាលស្រុកភ្នំក្រវាញ យ៉ាងច្រើនកុះករ ដោយទទួលបានការសម្រួល និងផ្តល់សេវាយ៉ាងលឿនរហ័ស ប្រកបដោយតម្លាភាព និងស្នាមញញឹមពីសំណាក់មន្ត្រីប្រចាំការ នាព្រឹកថ្ងៃទី១៩ ខែតុលា ឆ្នាំ២០២៦។
វគ្គបណ្តុះបណ្តាលស្ដីពី មូលដ្ឋានគ្រឹះនៃការគ្រប់គ្រងអាជីវកម្ម ត្រូវបានរៀបចំឡើងនៅសាលប្រជុំការិយាល័យអប់រំ យុវជន និងកីឡា នៃរដ្ឋបាលស្រុកភ្នំក្រវាញ ខេត្តពោធិ៍សាត់ ដោយមានការចូលរួមពីអាជីវករ និងយុវជនក្នុងមូលដ្ឋានយ៉ាងច្រើនកុះករ។ វគ្គបណ្តុះបណ្តាលនេះធ្វើឡើងក្នុងគោលបំណងពង្រឹងសមត្ថភាព និងផ្តល់ចំណេះដឹងសំខាន់ៗដល់សិក្ខាកាមលើការរៀបចំផែនការអាជីវកម្ម ការគ្រប់គ្រងហិរញ្ញវត្ថុ យុទ្ធសាស្ត្រទីផ្សារ និងការប្រើយុទ្ធសាស្ត្រឌីជីថល ដើម្បីជួយឱ្យការធ្វើអាជីវកម្មក្នុងស្រុកកាន់តែមានប្រសិទ្ធភាព និងចូលរួមលើកកម្ពស់សេដ្ឋកិច្ចគ្រួសារឱ្យកាន់តែប្រសើរឡើង។
ពោធិ៍សាត់៖ លោក ចាន់ វិចិត្រ អភិបាល នៃគណៈអភិបាលស្រុកតាលោសែនជ័យ ខេត្តពោធិ៍សាត់ បានអញ្ជើញដឹកនាំកិច្ចប្រជុំមន្ត្រីរាជការ ដោយមានការចូលរួមពីមន្ត្រីពាក់ព័ន្ធក្នុងមូលដ្ឋាន កាលពីថ្ងៃទី១៩ ខែតុលា ឆ្នាំ២០២៦។ កិច្ចប្រជុំនេះរៀបចំឡើងក្នុងគោលបំណងពិនិត្យមើលលើវឌ្ឍនភាពការងារកន្លងមក ព្រមទាំងពង្រឹងរបៀបរបបធ្វើការងារ និងការអនុវត្តតួនាទីភារកិច្ចរបស់មន្ត្រីរាជការម្នាក់ៗ ឱ្យកាន់តែមានប្រសិទ្ធភាពខ្ពស់ក្នុងការបម្រើសេវាសាធារណៈ និងឆ្លើយតបទៅនឹងតម្រូវការរបស់ប្រជាពលរដ្ឋក្នុងមូលដ្ឋានស្រុកតាលោសែនជ័យ ខេត្តពោធិ៍សាត់៕ ឈឹម ម៉ារីយ៉ាន
អភិបាលស្រុកបាកាន ខេត្តពោធិ៍សាត់ បានអញ្ជើញដោះស្រាយវិវាទក្រៅប្រព័ន្ធតុលាការចំនួន ៥ករណី។ ជាលទ្ធផល ភាគីពាក់ព័ន្ធបានឯកភាពទទួលយកដំណោះស្រាយរបស់អាជ្ញាធរចំនួន ៤ករណីដោយរលូន និងដោយស្មារតីយោគយល់គ្នា។
