អភិបាលរងស្រុកក្រគរ ខេត្តពោធិ៍សាត់ ព្រមទាំងក្រុមការងារ បានចូលរួមវគ្គបណ្តុះបណ្តាលបំណិនសមត្ថភាពគ្រូឧទ្ទេស ស្តីពី នីតិវិធីជ្រើសរើសអ្នកផ្គត់ផ្គង់តាមសាលារៀនគោលដៅអនុវត្តកម្មវិធីផ្តល់អាហារតាមសាលារៀនដោយប្រើប្រាស់កសិផលក្នុងសហគមន៍ នៅសាលប្រជុំមន្ទីរអប់រំ យុវជន និងកីឡា ខេត្តពោធិ៍សាត់។
ពោធិ៍សាត់៖ ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ និងជាប្រធានគណៈកម្មាធិការគ្រប់គ្រងដីរដ្ឋខេត្តពោធិ៍សាត់ បានអញ្ជើញបើកកិច្ចប្រជុំគណៈកម្មាធិការគ្រប់គ្រងដីរដ្ឋថ្នាក់ខេត្ត ដែលប្រារព្ធធ្វើឡើងនៅសាលប្រជុំកោះសំពៅមាស នៃសាលាខេត្តពោធិ៍សាត់ នារសៀលថ្ងៃចន្ទ ទី១៩ ខែតុលា ឆ្នាំ២០២៦។ កិច្ចប្រជុំដ៏មានសារៈសំខាន់នេះ រៀបចំឡើងក្នុងគោលបំណងពិនិត្យ និងពិភាក្សាលើកិច្ចការងារគ្រប់គ្រងដីរដ្ឋក្នុងដែនសមត្ថកិច្ចទូទាំងខេត្តពោធិ៍សាត់ ឱ្យកាន់តែមានប្រសិទ្ធភាពខ្ពស់ រួមទាំងការធានាបាននូវតម្លាភាព គណនេយ្យភាព និងការការពារទ្រព្យសម្បត្តិរដ្ឋឱ្យបានគត់មត់ថែមទៀត៕ ឃឹម ស្រីនាវ
ពោធិ៍សាត់៖ លោកអភិបាលស្រុកក្រគរ ខេត្តពោធិ៍សាត់ បានអញ្ជើញដឹកនាំកិច្ចប្រជុំការងារផ្ទៃក្នុងមួយ ជាមួយលោកនាយក នាយករងរដ្ឋបាល ប្រធានការិយាល័យរដ្ឋបាល និងហិរញ្ញវត្ថុ នៃរដ្ឋបាលស្រុកក្រគរ នាព្រឹកថ្ងៃទី១៩ ខែតុលា ឆ្នាំ២០២៦ ។ កិច្ចប្រជុំនេះរៀបចំឡើងក្នុងគោលបំណងពិនិត្យ ពិភាក្សា និងជំរុញការងាររដ្ឋបាលទូទៅ ព្រមទាំងកែលម្អកិច្ចដំណើរការបំពេញការងាររបស់មន្ត្រីរាជការក្រោមឱវាទ ឱ្យកាន់តែមានប្រសិទ្ធភាពខ្ពស់ ធានាបាននូវសហការល្អ និងការបម្រើសេវាសាធារណៈជូនប្រជាពលរដ្ឋក្នុងមូលដ្ឋានស្រុកក្រគរឱ្យកាន់តែល្អប្រសើរថែមទៀត៕ ឃឹម ស្រីនាវ
ស្នងការនគរបាលខេត្ត បានដឹកនាំកិច្ចប្រជុំប្រចាំខែ ដោយបានណែនាំដល់កងកម្លាំងនគរបាលទាំងអស់ ឱ្យពង្រឹងវិន័យ ក្រមសីលធម៌ និងជៀសឱ្យឆ្ងាយពីគ្រឿងញៀន ឬបទល្មើសផ្សេងៗ។ លោកក៏បានជំរុញឱ្យយកចិត្តទុកដាក់ថែរក្សាអនាម័យបរិស្ថាននៅតាមប៉ុស្តិ៍ ផ្សព្វផ្សាយគោលនយោបាយ «ភូមិ-ឃុំមានសុវត្ថិភាព» និងបង្ការទប់ស្កាត់បទល្មើសគ្រប់ប្រភេទក្នុងមូលដ្ឋានឱ្យមានប្រសិទ្ធភាពខ្ពស់។
ពោធិ៍សាត់៖ លោក ភោគ សារិទ្ធ អភិបាលរងក្រុងពោធិ៍សាត់ អញ្ជើញបើកសិក្ខាសាលាត្រៀមសកម្មភាព និងថវិកាឆ្លើយតបមេរោគអេដស៍ និងជំងឺអេដស៍ ឆ្នាំ២០២៧ បានប្រារព្ធធ្វើឡើងនៅសាលប្រជុំសាលាក្រុងពោធិ៍សាត់ នាថ្ងៃទី១៩-២០ ខែតុលា ឆ្នាំ២០២៦ ។ សិក្ខាសាលារយៈពេលពីរថ្ងៃនេះ បានរៀបចំឡើងក្នុងគោលបំណងជំរុញការផ្សព្វផ្សាយ និងពង្រឹងការអនុវត្តវិធានការប្រើប្រាស់ស្រោមអនាម័យ ១០០% ប្រកបដោយប្រសិទ្ធភាព ដើម្បីបង្ការ និងទប់ស្កាត់ការរីករាលដាលនៃមេរោគអេដស៍ និងជំងឺអេដស៍ក្នុងមូលដ្ឋាន ក៏ដូចជាការរៀបចំផែនការសកម្មភាព និងថវិកាសម្រាប់ឆ្នាំខាងមុខឱ្យកាន់តែមានភាពទូលំទូលាយ និងចំគោលដៅ៕ ឈឹម ម៉ារីយ៉ាន
