ពោធិ៍សាត់៖ លោកអភិបាលស្រុកក្រគរ ខេត្តពោធិ៍សាត់ បានអញ្ជើញដឹកនាំកិច្ចប្រជុំការងារផ្ទៃក្នុងមួយ ជាមួយលោកនាយក នាយករងរដ្ឋបាល ប្រធានការិយាល័យរដ្ឋបាល និងហិរញ្ញវត្ថុ នៃរដ្ឋបាលស្រុកក្រគរ នាព្រឹកថ្ងៃទី១៩ ខែតុលា ឆ្នាំ២០២៦ ។ កិច្ចប្រជុំនេះរៀបចំឡើងក្នុងគោលបំណងពិនិត្យ ពិភាក្សា និងជំរុញការងាររដ្ឋបាលទូទៅ ព្រមទាំងកែលម្អកិច្ចដំណើរការបំពេញការងាររបស់មន្ត្រីរាជការក្រោមឱវាទ ឱ្យកាន់តែមានប្រសិទ្ធភាពខ្ពស់ ធានាបាននូវសហការល្អ និងការបម្រើសេវាសាធារណៈជូនប្រជាពលរដ្ឋក្នុងមូលដ្ឋានស្រុកក្រគរឱ្យកាន់តែល្អប្រសើរថែមទៀត៕ ឃឹម ស្រីនាវ

អភិបាលរងស្រុកក្រគរ ខេត្តពោធិ៍សាត់ ព្រមទាំងក្រុមការងារ បានចូលរួមវគ្គបណ្តុះបណ្តាលបំណិនសមត្ថភាពគ្រូឧទ្ទេស ស្តីពី នីតិវិធីជ្រើសរើសអ្នកផ្គត់ផ្គង់តាមសាលារៀនគោលដៅអនុវត្តកម្មវិធីផ្តល់អាហារតាមសាលារៀនដោយប្រើប្រាស់កសិផលក្នុងសហគមន៍ នៅសាលប្រជុំមន្ទីរអប់រំ យុវជន និងកីឡា ខេត្តពោធិ៍សាត់។

ពោធិ៍សាត់៖ លោក ភោគ សារិទ្ធ អភិបាលរងក្រុងពោធិ៍សាត់ អញ្ជើញបើកសិក្ខាសាលាត្រៀមសកម្មភាព និងថវិកាឆ្លើយតបមេរោគអេដស៍ និងជំងឺអេដស៍ ឆ្នាំ២០២៧ បានប្រារព្ធធ្វើឡើងនៅសាលប្រជុំសាលាក្រុងពោធិ៍សាត់ នាថ្ងៃទី១៩-២០ ខែតុលា ឆ្នាំ២០២៦ ។ សិក្ខាសាលារយៈពេលពីរថ្ងៃនេះ បានរៀបចំឡើងក្នុងគោលបំណងជំរុញការផ្សព្វផ្សាយ និងពង្រឹងការអនុវត្តវិធានការប្រើប្រាស់ស្រោមអនាម័យ ១០០% ប្រកបដោយប្រសិទ្ធភាព ដើម្បីបង្ការ និងទប់ស្កាត់ការរីករាលដាលនៃមេរោគអេដស៍ និងជំងឺអេដស៍ក្នុងមូលដ្ឋាន ក៏ដូចជាការរៀបចំផែនការសកម្មភាព និងថវិកាសម្រាប់ឆ្នាំខាងមុខឱ្យកាន់តែមានភាពទូលំទូលាយ និងចំគោលដៅ៕ ឈឹម ម៉ារីយ៉ាន

ពោធិ៍សាត់៖ លោក ផាយ ឡេង អភិបាលក្រុងពោធិ៍សាត់ បានអញ្ជើញជួបសំណេះសំណាល និងពង្រឹងសមត្ថភាពដល់មន្ត្រី និងភ្នាក់ងារប្រមូលសេវាសំរាម នៃរដ្ឋបាលក្រុងពោធិ៍សាត់ នៅឯសាលាក្រុងពោធិ៍សាត់ នាព្រឹកថ្ងៃទី១៩ ខែតុលា ឆ្នាំ២០២៦។ កិច្ចប្រជុំនេះ រៀបចំឡើងក្នុងគោលបំណងលើកកម្ពស់ប្រសិទ្ធភាពការងារ បង្កើនការយកចិត្តទុកដាក់លើសេវាថែរក្សាអនាម័យ និងបន្តកែលម្អសោភ័ណភាពក្នុងមូលដ្ឋានក្រុងពោធិ៍សាត់ឱ្យកាន់តែប្រសើរឡើងថែមទៀត។ ក្នុងឱកាសនោះ លោកអភិបាលក្រុងបានផ្តល់នូវការណែនាំ និងទិសដៅការងារសំខាន់ៗដល់ភ្នាក់ងារប្រមូលសំរាមទាំងអស់ ព្រមទាំងបានលើកទឹកចិត្តដល់កម្លាំងអធិការកិច្ច និងមន្ត្រីពាក់ព័ន្ធឱ្យខិតខំបំពេញភារកិច្ចប្រកបដោយស្មារតីទទួលខុសត្រូវខ្ពស់ ដើម្បីបម្រើសេវាជូនប្រជាពលរដ្ឋក្នុងមូលដ្ឋានបានល្អប្រសើរ៕ ឃឹម ស្រីនាវ

សូមជម្រាបបន្ថែមថា យោងការវិភាគស្ថានភាពវិវត្តន៍នៃអាកាសធាតុជាសកលតំបន់ ក៏ដូចជានៅក្នុងផ្ទៃប្រទេសកម្ពុជា រដូវវស្សាឆ្នាំ២០២៦ នឹងបញ្ចប់ត្រឹមសប្តាហ៍ទី៣ នៃខែតុលា ហើយបាតុភូតអែលនីញ៉ូ(El Nino) នឹងស្ថិតក្នុងកម្រិត១០០% រហូតដល់ខែ កុម្ភ: ឆ្នាំ២០២៧ ។ មន្ទីរនឹងរៀនចំពិនិត្យវាយតម្លៃលើសក្តានុពលទឹកដែលមាន ហើយរៀបចំផែនការការប្រើប្រាស់ទឹកសម្រាប់បម្រើការងារបង្កបង្កើនផលស្រូវរដូវប្រាំង និងដំណាំរួមផ្សំ ។

លោក ពៅ ពិសិដ្ឋ បានអញ្ជើញជាតំណាងរបស់ ឯកឧត្តម ខូយ រីដា ដឹកនាំ កិច្ចប្រជុំត្រួតពិនិត្យ និងជំរុញការអនុវត្តគោលនយោបាយ «ភូមិ-ឃុំ-សង្កាត់ មានសុវត្ថិភាព» លើកទី២ ឆ្នាំ២០២៦ នៅសាលាក្រុងពោធិ៍សាត់ ដោយមានការចូលរួមពីកងកម្លាំងប្រដាប់អាវុធ អាជ្ញាធរ និងមន្ត្រីពាក់ព័ន្ធជាច្រើនរូប។