លោកស្នងការបានណែនាំដល់កម្លាំងនគរបាលប៉ុស្តិ៍ឱ្យយកចិត្តទុកដាក់ពង្រឹងការងារផ្សព្វផ្សាយគោលនយោបាយ «ភូមិ-ឃុំ-សង្កាត់ មានសុវត្ថិភាព» ដល់សិស្សានុសិស្សថ្នាក់បឋមសិក្សា និងប្រជាពលរដ្ឋ ដោយផ្តោតលើផលប៉ះពាល់នៃគ្រឿងញៀន ល្បែងស៊ីសង ការយល់ដឹងអំពីច្បាប់ចរាចរណ៍ផ្លូវគោក ការប្រើប្រាស់ផ្លូវប្រកបដោយសុវត្ថិភាព ព្រមទាំងការគ្រប់គ្រងស្ថិតិប្រជាពលរដ្ឋឱ្យបានត្រឹមត្រូវ និងទាន់ពេលវេលា។
ឯកឧត្តម ខូយ រីដា អភិបាលខេត្តពោធិ៍សាត់ ផ្តល់បទសម្ភាសន៍អំពីសមិទ្ធិផលនានាក្នុងខេត្តពោធិ៍សាត់
ពិធីបិទវគ្គបណ្តុះបណ្តាល «ហូកា» លើជំនាញ ការិយាល័យជួរមុខ និងបានប្រគល់វិញ្ញាបនបត្រជូនសិក្ខាកាមចំនួន ១៧នាក់ (ស្រី ១០នាក់) នៅសាលបណ្ឌិត ថោង ខុន។ វគ្គសិក្សារយៈពេល ៣ថ្ងៃនេះ ទទួលបានការឧបត្ថម្ភពីអង្គការ Swisscontact ក្នុងគោលបំណងពង្រឹងសមត្ថភាព និងគុណភាពសេវាកម្មដល់ប្រតិបត្តិករ និងសេវាករទេសចរណ៍ក្នុងខេត្តពោធិ៍សាត់។
លោក បេង ឆវីរៈ អនុប្រធានមន្ទីរអប់រំ យុវជន និងកីឡា បានចូលរួមកិច្ចប្រជុំពិគ្រោះយោបល់ ផ្សព្វផ្សាយ និងធ្វើបច្ចុប្បន្នភាពទិន្នន័យស្តីពី កិច្ចការពារសុវត្ថិភាពបរិស្ថាន និងសង្គម នៅវិទ្យាល័យធនធានហ៊ុន សែន ក្រគរ ខេត្តពោធិ៍សាត់។ កិច្ចប្រជុំនេះធ្វើឡើងក្រោម គម្រោងមធ្យមសិក្សាសម្រាប់ការប្រកួតប្រជែងមូលធនមនុស្ស (SE4HC) ដោយផ្តោតលើសាលាគោលដៅសរុបចំនួន ២៣ ទីតាំង ដើម្បីធានាបាននូវបរិស្ថានសិក្សាមានសុវត្ថិភាព និងមានប្រសិទ្ធភាព។
អភិបាលខេត្តពោធិ៍សាត់ បានចូលរួមក្នុងពិធីសម្ពោធបើកឱ្យប្រើប្រាស់ជាផ្លូវការនូវ «ផ្លូវជាតិលេខ១០» ប្រវែង ១៩៨,៥១៨ គ.ម តភ្ជាប់ពីខេត្តបាត់ដំបង ឆ្លងកាត់ពោធិ៍សាត់ ទៅខេត្តកោះកុង ក្រោមអធិបតីភាពដ៏ខ្ពង់ខ្ពស់របស់ សម្តេចធិបតី ហ៊ុន ម៉ាណែត។ ផ្លូវនេះគឺជាសមិទ្ធផលប្រវត្តិសាស្ត្រដែលបានប្រែក្លាយអតីតសមរភូមិសង្គ្រាម ឱ្យទៅជាសរសៃឈាមសេដ្ឋកិច្ច និងទេសចរណ៍ ជួយសម្រួលការធ្វើដំណើរ ដឹកជញ្ជូនទំនិញ និងជំរុញការអភិវឌ្ឍប្រកបដោយសក្តានុពល។
