ប្រជាពលរដ្ឋខេត្តប៉ៃលិនមួយចំនួនចាប់យកអាជីពជាអ្នកដាំបន្លែ ក្រោយត្រឡប់ពីចំណាកស្រុកទៅធ្វើការនៅប្រទេសថៃ
ប៉ៃលិន៖ បន្ទាប់ពីធ្វើចំណាកស្រុកទៅធ្វើការនៅប្រទេសថៃអស់រយៈពេលជាច្រើនឆ្នាំ និងបានវិលត្រឡប់មកកាន់មាតុប្រទេសវិញកាលពីពេលកន្លងទៅនេះ មានបងប្អូនប្រជាពលករជាច្រើនបានចាប់យកមុខរបរនៅតាមក្រុមហ៊ុន រោងចក្រនានានៅក្នុងប្រទេស ក្រោមការជ្រោមជ្រែងពីក្រសួងការងារ និងបណ្តុះបណ្តាលវិជ្ជាជីវៈ មន្ទីរការងារ និងបណ្តុះបណ្តាលវិជ្ជាជីវៈ និងអាជ្ញាធរមូលដ្ឋានផងដែរ។ ប៉ុន្តែ ក៏មានបងប្អូនប្រជាពលករមួយចំនួន បានចាប់យកការប្រកបរបរផ្ទាល់ខ្លួនជាមួយក្រុមគ្រួសារផងដែរ ដើម្បីទ្រទ្រង់ជីវភាពគ្រួសារអោយប្រសើឡើង។
