បាត់ដំបង៖ រដ្ឋបាលស្រុកឯកភ្នំ សហការជាមួយធនាគារជាតិនៃកម្ពុជា សាខាខេត្តបាត់ដំបង នឹងរៀបចំយុទ្ធនាការផ្សព្វផ្សាយ និងជំរុញការប្រើប្រាស់ប្រព័ន្ធទូទាត់ឌីជីថល KHQR និង បាគង ព្រមទាំងផ្តល់សេវាប្តូរក្រដាសប្រាក់រៀលចាស់ ទក់ រហែក ជូនប្រជាពលរដ្ឋ និងសាធារណជន ដោយមិនគិតកម្រៃសេវា។
ឯកឧត្តមបណ្ឌិត ប្រាំង ជលសា បានជួបសំណេះសំណាលជាមួយមន្ត្រីបក្សមូលដ្ឋានស្រុកកណ្តៀង និងស្រុកក្រគរ ខេត្តពោធិ៍សាត់ ដោយបានលើកឡើងពីសមិទ្ធផលទំនប់វារីអគ្គិសនីស្ទឹងពោធិ៍សាត់១ ដែលត្រៀមដំណើរការចុងឆ្នាំនេះដើម្បីជួយដល់វិស័យថាមពល និងកសិកម្ម។ ជាមួយគ្នានោះ ឯកឧត្តមបានអំពាវនាវឱ្យប្រជាពលរដ្ឋ សន្សំសំចៃទឹក ទប់ទល់នឹងបាតុភូត El Niño និងផ្អាកធ្វើស្រែប្រាំងនៅតំបន់គ្មានទឹក ព្រមទាំងបានបញ្ជាក់ពីជំហរការពារអធិបតេយ្យភាពជាតិ និងការត្រៀមខ្លួនឆ្ពោះទៅបោះឆ្នោតឃុំ សង្កាត់ ឆ្នាំ២០២៧។
លោកអភិបាលស្រុកក្រគរ ខេត្តពោធិ៍សាត់ រួមជាមួយលោកប្រធានក្រុមការងារចុះជួយឃុំឈើតុំ បានអញ្ជើញចែកអំណោយជា សៀវភៅសរសេរ ជូនដល់ប្អូនៗសិស្សានុសិស្សនៅ សាលាបឋមសិក្សាក្បាលទាហ៊ាន ដើម្បីជួយលើកទឹកចិត្ត និងសម្រាលបន្ទុកក្នុងការសិក្សារបស់ពួកគាត់។
នៅ វត្តកែវសុវណ្ណ បានរៀបចំពិធីក្រុងពលីរំកិលទូកង «ទំព័រសុវណ្ណសែនជ័យបារមីលោកតាគ្រី» ក្រោមការឧបត្ថមគាំទ្ររបស់មន្ទីរព័ត៌មានខេត្តពោធិ៍សាត់ ដើម្បីសុំសេចក្តីសុខ និងត្រៀមខ្លួនចូលរួមប្រកួតប្រជែងក្នុង ព្រឹត្តិការណ៍ប្រណាំងទូកងខ្នាតអន្តរជាតិខេត្តពោធិ៍សាត់នាពេលខាងមុខ។
លោកអភិបាលស្រុកក្រគរ ខេត្តពោធិ៍សាត់ និងលោកប្រធានក្រុមការងារចុះជួយឃុំឈើតុំ បានចុះពិនិត្យ និងសម្របសម្រួលទីតាំងបូមខ្សាច់មួយកន្លែង នៅ ចំណុចទាមផ្អុង ភូមិក្បាលទាហ៊ាន ឃុំឈើតុំ ស្រុកក្រគរ តាមសំណូមពរដោះស្រាយរបស់ប្រជាពលរដ្ឋ ដើម្បីរកដំណោះស្រាយសមស្រប និងធានាផលប្រយោជន៍រួមក្នុងមូលដ្ឋាន។
