វីដេអូ: ឯកឧត្តម នួន ផារ័ត្ន និងលោកជំទាវ ដឹកនាំចែកអំណោយមនុស្សធម៌របស់សាខាកាកបាទក្រហមកម្ពុជាខេត្តកំពង់ធំ ជូនប្រជាពលរដ្ឋមានជីវភាពខ្វះខាតចំនួន ៨២គ្រួសារ នៅស្រុកសណ្ដាន់
លោកអភិបាលរងខេត្តពោធិ៍សាត់ បានអញ្ជើញដឹកនាំកិច្ចប្រជុំអនុគណៈកម្មការទទួលបន្ទុកហិរញ្ញវត្ថុ ដើម្បីត្រៀមរៀបចំពិធីប្រណាំងទូក «ង» ឆ្នាំ២០២៦។ កិច្ចប្រជុំនេះផ្ដោតខ្លាំងលើការរៀបចំផែនការ និងការចាត់ចែងថវិកា ដើម្បីធានាឱ្យព្រឹត្តិការណ៍ប្រណាំងទូក ដែលនឹងប្រព្រឹត្តទៅនា ថ្ងៃទី៧-៨ ខែវិច្ឆិកា ឆ្នាំ២០២៦ ខាងមុខនេះ។
រដ្ឋបាលស្រុកវាលវែង ខេត្តពោធិ៍សាត់ បានរៀបចំកិច្ចប្រជុំពិនិត្យ និងកែសម្រួលលើ សេចក្ដីព្រាងកម្មវិធីវិនិយោគ៣ឆ្នាំរំកិល ឆ្នាំ២០២៧-២០២៩ ក្រោមវត្តមានលោក ធាង ឡេង អភិបាលស្រុកវាលវែង ដោយមានការចូលរួមពីក្រុមប្រឹក្សាស្រុក ការិយាល័យជំនាញ អាជ្ញាធរឃុំទាំង៧ និងប្រធានមណ្ឌលសុខភាពទាំង៥។ កិច្ចប្រជុំនេះធ្វើឡើងដើម្បីកំណត់គម្រោងអាទិភាព និងជំរុញការអភិវឌ្ឍមូលដ្ឋានស្រុកវាលវែងឱ្យកាន់តែរីកចម្រើន។
វិទ្យាស្ថានឧកញ៉ា ឃ្លាំង មឿង ខេត្តពោធិ៍សាត់ បានរៀបចំពិធីប្រគល់លិខិតសរសើរ និងរង្វាន់ជូនសិស្សឆ្នើមប្រចាំឆមាសទី២ ឆ្នាំសិក្សា ២០២៥-២០២៦ ព្រមទាំងបើកបវេសនកាលឆ្នាំសិក្សាថ្មី ២០២៦-២០២៧ ក្រោមអធិបតីភាព លោក លឹម វុទ្ធី ប្រធានមន្ទីរអប់រំ យុវជន និងកីឡា ខេត្តពោធិ៍សាត់។
ពោធិ៍សាត់៖ លោក ពៅ ពិសិដ្ឋ ប្រធានក្រុមការងារគណបក្សចុះមូលដ្ឋានសង្កាត់ផ្ទះព្រៃ បានដឹកនាំកិច្ចប្រជុំស្តីពី «ការពិភាក្សាពីផែនការរៀបចំការងារ ឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាសង្កាត់ អាណត្តិទី៦ ឆ្នាំ២០២៧» នាព្រឹកថ្ងៃទី២៩ ខែតុលា ឆ្នាំ២០២៦។ កិច្ចប្រជុំដ៏មានសារៈសំខាន់នេះ បានប្រព្រឹត្តទៅដោយមានការអញ្ជើញចូលរួមពីសំណាក់ ឯកឧត្តម លោកជំទាវ លោក លោកស្រី ជាសមាជិក សមាជិកាក្រុមការងារគណបក្សចុះមូលដ្ឋានសង្កាត់ផ្ទះព្រៃ ព្រមទាំងលោក លោកស្រី ជាប្រធាន និងអនុប្រធានគណបក្សសង្កាត់ផ្ទះព្រៃជាច្រើនរូបផងដែរ។ ថ្លែងក្នុងកិច្ចប្រជុំនោះ ថ្នាក់ដឹកនាំបានធ្វើការពិភាក្សាគ្នាយ៉ាងផុសផុល និងដាក់ចេញនូវផែនការសកម្មភាពជាក់លាក់ សំដៅពង្រឹងកិច្ចការងាររៀបចំរចនាសម្ព័ន្ធ មូលដ្ឋាន និងការត្រៀមលក្ខណៈសម្បត្តិគ្រប់គ្រាន់ ដើម្បីធានាបាននូវជ័យជម្នះជូនគណបក្សប្រជាជនកម្ពុជា ក្នុងការបោះឆ្នោតជ្រើសរើសក្រុមប្រឹក្សាសង្កាត់ អាណត្តិទី៦ ដែលនឹងប្រព្រឹត្តទៅនាឆ្នាំ២០២៧ ខាងមុខនេះ៕
