រដ្ឋបាលខេត្តពោធិ៍សាត់ មានកិត្តិយសសូមជម្រាបជូនដំណឹងដល់សាធារណជន បងប្អូនកម្មករ-និយោជិត និងប្រជាពលរដ្ឋ មកពីរាជធានីភ្នំពេញ និងបណ្តាខេត្តផ្សេងៗ មេត្តាជ្រាបថា ចាប់ពីថ្ងៃទី៩ ដល់ថ្ងៃទី១៣ ខែតុលា ឆ្នាំ ២០២៦ ក្នុងឱកាសពិធីបុណ្យភ្ជុំបិណ្ឌ ប្រពៃណីជាតិខ្មែរ ឆ្នាំមមី អដ្ឋស័ក ពុទ្ធសករាជ ២៥៧០ រដ្ឋបាលខេត្តបាន រៀបចំរថយន្តក្រុងរបស់សាលាខេត្ត សម្រាប់ដឹកជញ្ជូនសាធារណជន ដែលធ្វើដំណើរមកកាន់គេហដ្ឋាន “ដោយមិន បង់ប្រាក់”៕
ឯកឧត្តម ខូយ រីដា អភិបាលខេត្តពោធិ៍សាត់ បានអញ្ជើញចូលរូមក្នុងពិធីហ្វឹកហ្វឺនកងអនុសេនាធំការពារដែនអាកាស កងពលតូចថ្មើរជើងលេខ៣១ ដោយគូសបញ្ជាក់ពីការយកចិត្តទុកដាក់ខ្ពស់របស់កម្លាំងជួរក្រោយចំពោះកងទ័ពជួរមុខ។
បរិស្ថានស្អាត និងសោភ័ណភាពស្រុកយើង គឺជាការទទួលខុសត្រូវរួមរបស់ប្រជាពលរដ្ឋគ្រប់រូប ដើម្បីសុខភាពសាធារណៈ និងការទាក់ទាញទេសចរណ៍ ការបោះចោលសំរាមពាសវាលពាសកាល បង្កផលប៉ះពាល់ដល់បរិស្ថាន និងសោភ័ណភាពមូលដ្ឋាន។
រដ្ឋបាលខេត្តពោធិ៍សាត់ ជូនដំណឹងអំពីការដាក់ពាក្យចូលរួមប្រណាំងទូក ង ខ្នាតអន្តរជាតិ ឆ្នាំ២០២៦ ក្នុងពិធីបុណ្យអុំទូក បណ្តែតប្រទីប និងសំពះព្រះខែ អកអំបុក
គណៈប្រតិភូរដ្ឋបាលខេត្តពោធិ៍សាត់ ដឹកនាំដោយ ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ ដោយមានការអមដំណើរពីអភិបាលរងខេត្តពោធិ៍សាត់ ថ្នាក់ដឹកនាំមន្ទីរ អង្គភាព និងអាជ្ញាធរស្រុក ក្រុង បានអញ្ជើញចុះជួបសំណេះសំណាល សួរសុខទុក្ខ និងនាំយកអំណោយជាស្បៀង គ្រឿងឧបភោគបរិភោគ ផ្តល់ជូនដល់អង្គភាពកងទ័ព និងនគរបាលឈរជើងការពារព្រំដែន ស្ថិតក្នុងភូមិសាស្ត្រឃុំថ្មដា ស្រុកវាលវែង ខេត្តពោធិ៍សាត់ ក្នុងឱកាសអបអរសាទរបុណ្យភ្ជុំបិណ្ឌប្រពៃណីជាតិ នាថ្ងៃទី៩ ខែតុលា ឆ្នាំ២០២៦ ។
