បាត់ដំបង៖ លោក មូល ធន អភិបាលរងខេត្តបាត់ដំបង តំណាងដ៏ខ្ពង់ខ្ពស់ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង កាលពីថ្ងៃទី២៨ ខែកក្កដា ឆ្នាំ២០២៦ បានដឹកនាំប្រតិភូមន្ត្រីរាជការនៃមន្ទីរ-អង្គភាពជុំវិញខេត្ត ដែលទទួលបន្ទុកចុះជួយសង្កាត់អូរម៉ាល់ បាននាំយកទៀនវស្សា និងទេយ្យវត្ថុ ទៅប្រគេនព្រះសង្ឃដែលគង់ចាំវស្សាអស់ត្រីមាស នៅវត្តរកា ស្ថិតក្នុងសង្កាត់អូរម៉ាល់ ក្រុងបាត់ដំបង ខេត្តបាត់ដំបង។

បាត់ដំបង៖ ប្រជាពលរដ្ឋខ្មែរជាអ្នកកាន់ព្រះពុទ្ធសាសនា តែងតែគោរពប្រតិបត្តិបុណ្យចូលព្រះវស្សា ជាបុណ្យដ៏មានសារៈសំខាន់មួយ នៅតាមទីអារាមនានា នៃព្រះរាជាណាចក្រកម្ពុជា ជារៀងរាល់ឆ្នាំ មិនដែលខកខានឡើយ ដោយបានយក នូវទៀនព្រះវស្សា ទេយ្យទាន និងបច្ច័យ យកទៅប្រគេនដល់ព្រះសង្ឃ ដែលគង់ចាំព្រះវស្សាអស់កាលត្រីមាស ក្នុងការសិក្សារៀនសូត្រ នូវធម៌វិន័យឱ្យបានខ្ជាប់ខ្ជួន ដើម្បីទ្រទ្រង់វិស័យ ព្រះពុទ្ធឱ្យបានស្ថិតស្ថេរគង់វង្សយូអង្វែង។

បាត់ដំបង ៖ នៅរាត្រីទី៩ នៃព្រឹត្តិការណ៍ផ្លែឈើបាត់ដំបង ត្រូវនឹងថ្ងៃទី១៨ ខែកក្កដា ឆ្នាំ២០២៦ ក្រុមសិល្បៈមហាជនខេត្តតាកែវ បានមកសំដែងល្ខោនបាសាក់ ប្រភេទរឿងបុរាណរបស់ខ្មែរ បានទាក់ទាញអ្នកទស្សនាយ៉ាងច្រើនកុះករ ដែលបានរៀបចំឡើងនៅក្នុងបរិវេណវិមានឯករាជ្យ ស្ថិតក្នុងភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ។

នេះគ្រាន់តែជាការសាកល្បងទេណា៎! ត្រៀមខ្លួនជួបគ្នាក្នុងព្រឹត្តិការណ៍ «ផ្លែបាត់ដំបង ២០២៦» ផ្លូវការ ចាប់ពីថ្ងៃទី ១០-១៩ កក្កដា ខាងមុខនេះ។ កុំភ្លេចមកហ្វ្រីស្ទាយជាមួយបងៗហ្វាផង! 🥁🎭

បាត់ដំបង ជាទីក្រុងមួយដែលមានអត្តសញ្ញាណពិសេស ដែលបន្សល់ទុកសំណង់បុរាណជាច្រើនពីសម័យអាណានិគមបារាំង រមណីយដ្ឋានបែបប្រវតិ្តសាស្ត្រវប្បធម៌ ធម្មជាតិ និងកែច្នៃយ៉ាងច្រើនសម្រាប់ទាក់ទាញភ្ញៀវទេសចរជាតិ និងអន្តរជាតិចូលមកលេងកម្សាន្ត។

បាត់ដំបង៖ បន្ទាប់ពីមន្ត្រីជំនាញភ្លេងបុរាណ ការិយាល័យសិល្បៈទស្សនីយភាព នៃមន្ទីរវប្បធម៌ និងវិចិត្រសិល្បៈខេត្តបាត់ដំបង បានចុះបង្ហាត់បង្រៀន ដល់ក្រុមភ្លេងពិណពាទ្យ ទេព បូរិន វប្បធម៌ខ្មែរ ចំនួនពីរលើករួចមក នៅរសៀលថ្ងៃទី០២ ខែកក្កដា ឆ្នាំ២០២៦ បានធ្វើពិធីបិទវគ្គបណ្តុះបណ្តាល ស្តីពីភ្លេងបុរាណខ្មែរ ” ភ្លេងពិណពាទ្យ “ និងការចែកវិញ្ញាបនបត្រ ដល់ក្រុមភ្លេងពិណពាទ្យ ទេព បូរិន វប្បធម៌ខ្មែរ ដែលរៀបចំឡើង នៅសាលប្រជុំមន្ទីរវប្បធម៌ និងវិចិត្រសិល្បៈខេត្ត ដោយមានការអញ្ជើញចូលរួមពី លោក គឹម សោភ័ណ្ឌ ប្រធានមន្ទីវប្បធម៌ និងវិចិត្រសិល្បៈខេត្តបាត់ដំប លោក លោកស្រី អនុប្រធានមន្ទីវប្បធម៌ និងវិចិត្រសិល្បៈខេត្ត ព្រមទាំងមន្រ្តីរាជការជាច្រើនរូបទៀត។